قلعة الشيخ مهران

بارت60(ج2)

#قلعة_الشيخ_مهران

مرهقه لدرجة كل عظمة في جسدي
تقول للثانية لا تتگي علي

ثگلان حتى النفس مو جدمي بس ثگلان
وتعبان مو من حمل من الوكت تعبان
بعيوني لمعة دمع 
ومنين ما التفت الگه العمر ذبلان

..................................

مَتين :- نحچي بالمضيف منا الناس

هناء :- ما فكرت بتكم بالناس من افترت وره رجلي

مَتين :- الله يخليج أحسبيني اخوج وطالب منج هذا الطلب العالم جاي تروح وترجع لا تسويلنا حجايه

هناء :- الخاطرك راح اروح وياك واحچيلك كل الموضوع

مشينا للمضيف حرت شلون ادخلها خاف احد من اهل القصر يشوفها سديت الباب وگعدت گبالها اريد اسمع الموضوع

مَتين :- احچي اسمعج يا عماد وشلون متعرفين كل شي اريد اعرف بالتفصيل

هناء :- انه مرت عماد ابن ابو شاهين

_ انصدمت من سمعت بيه نفسه عماد السرسري نفسه ابو سوالف المكسره اريد اجذب اذاني واجذبها واگول لعبه منهم بس لا مو جذب أمامة بنفسها انصدمت من عرفت بيه متزوج يعني اكو شي بيناتهم والمرة ما مطلعه من گلبها

مَتين :- بس فهميني وحده وحده شجاب عماد عليها وين عرفها و عرفته

هناء :- هذا السؤال المفروض تسأله الها مو الي

_ منو يگول حچيج صدگ يجوز لعبه من رجلج

_ حالتي مال وحده تجذب مطروده بنصاص الليالي اني وكومت الجهال و مكتوله وجسمي كله مطگع شلون اجذب شلون

_ شتعرفين عن علاقتهم اسمعج احچيلي

_ صار جم شهر گلبي لاعب منه احس عنده وحده بس ما لازمه شي بأيدي بقيت اراقبه وادور وراه بس لا اعرف اقرأ ولا اعرف اكتب حتى اقرأ الرسايل مالتهم لحد ما قبل جم يوم تخبل علينا لليل ونهار يتعارك وياه ابوه واخوه ويطب يغلط عليهم ويطلع يغلط عليهم وصلت بيه طگ شاهين وهج من البيت كله وهم من شافوا حالته واحد بقى يلوم بالثاني شلون خلوه يروح عليها وتالي نگلبت السالفه عليهم وحباها

هنا انه متت بدمي حب منهو وياهي هاي ما فهمت ولا عرفتها ضليت مناطره وكاضه البيبان اتصنت عليهم لحد ما سمعت شاهين يگول العمي

شاهين :- كله منك خليته يروح ويشوفها تالي أنگلبت عليه وحبها والله طيح حظه

ابو شاهين :- انه من صارت سالفة الرمي مال العيادة واجى گالي حاجي جدها خليها تصير هدية صلح بيناتنا گلبي لعب منه بس گلت لا اظنه يريد يكسر خشومهم

شاهين :- الحل شني

_ ننطره لحد ما يعقل لوحده

_ واذا ما عقل شلون تدري بيه يعقل ابنك واحد سايب لا يستحي ولا يخجل خلِ بالك يسويها دمايه وياهم