#قلعة_الشيخ_مهران
ارغب في تقبيل ضحكاتك
فـأنا مغرم بك حد الجنون
...................................
عماد :- العفو ما ادري بيج خو ما تأذيتي
ما جاوبت بس إيدي فوگ زندي متوجعه
عمار :- اخذج للمستشفى
أمامة :- لا
_ عذريني جنت اسوق سريع ونظربت بيج بدون قصد
أمامة:- ما صار شي
_ واصلج للبيت
_ لا لا شكراً
_ اعتذر مره ثانية
ما رديت عليه شلت جنطتي و مشيت للسيارة وهو رجع للدراجه مالته وصلت للسيارة متأذاية من إيدي عمو سالم شغل ومشى شوية وحس عليه
بسرعه سألني
سالم :- شني يبوية شيوجعج
امامة :- ايدي تأذيني شوية
_ سلامات عليش توجعج
_ هيج حادث بسيط
_ اخذج للطبيب
_ لا تسلم مو شي خطر
بقينا ساكتين لحد ما وصلني للبيت اني دخلت
و هو راح بدلت ملابسي اباوع الايدي صاير بيها اثر خفيف رجعت طلعت تغديت وراها انشغلت بدراستي مثل كل يوم خلصت واجباتي بقى بس الرياضيات عفته وره ما اخلص من دراسة آراي
بقينا نقرأ إني و آراي لحد وقت العشاء
طلعنا تعشينا و رجعنا للغرفه فرشتله ينام واني طلعت الكتاب بديت احل بالمسائل حسب شرح المدرسة بس من اوصل الاخر خطوة يطلع الناتج غلط مره مرتين اسويه ونفس الناتج اخر شي شلت الكتاب وطلعت فتحت باب غرفتي وگفت بمكاني
وين رايحه أمامه منو يحللج منو يگعد يشرحلج ويطول خلگ وياج مؤنس و راح بعد منو يهتم الواجباتج ويراجع الحلول وراج من بدأت المدرسة لليوم وحدي اقرأ واحل وارجع العام هيج وقت جنت اقرأ حتى ادخل بكلوريا و جان وياي خطوة خطوة يراجعلي و يستمعلي حتى التعاريف والتعاليل جان يسألني ويگعد ينتظرني اجاوب عليهن رجعت للغرفة وسديت الباب حطيت الكتاب على وجهي ومتت بچي يا الله ساعدني ما اگدر بعد بكل شي اله بصمه وياي ياربي تعبت من المكابرة تعبت
بقيت وقت طويل ابچي وراها مسحت دموعي وگمت الكتاب بيدي وين اروح عمو سند ما يعرف ما مخلص دراسة إسلام لو بيه خير ينحج مو يروح يدرسني اروح العمو أياد بس استحي ادگ الباب عليه هيج وقت
تمشيت على غرفة نينه دگيت الباب جدو صاح
تعال ياهو فتحت الباب ودخلت اثنينهم فزو من منظري عيوني ناطه من گد ما باچيه
مهران :- ياهو وياج يجدي عليش باجيه
تاضي :- أسم الله يمه شبيج
أنت تقرأ
قلعة الشيخ مهران
Mystery / Thrillerالشيخ ولو أمر كلهم يهابونه ... في ميسان (العماره) نور آل محمد a_.2jj انستكرامي
