قلعة الشيخ مهران

بارت58(ج2)

#قلعة_الشيخ_مهران

في قلوب الأجداد مأوى من الحنان
مأوى من الحب والطيب
اما في قلوب الأحفاد الأجداد لا يموتون
   حتى وأن دفنوا

........................................

أمامة :- رجعت للبيت وعمو راح للمضيف
بعدها انشغلت بواجباتي واجبات آراي
للعصر ورجعوا اجوا شيوخ والناس من جديد
على موضوع بيت ابو شاهين من بعد الاخذ والعطا والناس اللي ادخلت بيهم  انخصم الموضوع وياهم مالهم إي حق بالگاع ومن هاي الساعه كل شيء ينسد وما ينفتح مره ثانية  وكل اللي صار من مشاكل سابقه وگعت للشيوخ اللي حضرت بالفصل

عمو متين بعد ما شاف القرار هذا وكلام جدو
ويا الشيوخ لا حچى ولا علق على الموضوع اخذ جانب المتفرج بس عيونه عليهم شلون يحچون
وبهذا سكوته سبب فجوة بينه وبين جدو

گام لا يگعد يمنا بــ اكل ولا يشارك بحديث ولا يهتم الاحد عكس قبل جان مشاركم بالزغيرة والجبيرة هسه ابتعد و بهذا البعده جدو تأذه
ونفس الوضع ما حچى وياه ولا طلب منه يرجع مثل قبل بقى الوضع مخربط بينهم باقين على گد السلام والسؤال والجواب

وهي مرت الايام و بيت عمو عاصي حولوا بيتهم
ما عدا رشا زوجه إسلام جدو ما قبل تروح وياهم يعرف عمه أبتهال وسوالفها رالعذا السبب خلاها بالقصر اما إسلام ما يدخل يمنا ولا نشوفه غير بس بوقت الاكل ومن شالوا أهله گام حتى على الاكل ما يجي

عمو سند بأشر بناء القطعه اللي بصف بيت عمو عاصي وبنفس الوقت طلعوا عمال يبنون التوحيد وبيبي حكاية الهنا الوضع تمام والهدوء عام على كل الاطراف

عمو متين رجع يرتب بعيادته وأغلب وقته بالعيادة
إني رجعت أدوم بشكل طبيعي ومشغوله بين دراستي و دراسة أخوي هنا اكو رقم جديد رجع يدزلي مسجات حظرته رجع دزلي من غير رقم حظرت الرقم الثاني رجع يدز من رقم ثالث وهيج مخلصتها كل ما احظره من رقم ثاني يوم يراسلني من رقم جديد رجع يوگف باب المدرسة بس هاي المره مو يوميه لا بالاسبوع مره لو مرتين يجي
حاولت احچي الجدو عن الموضوع بس الظروف جانت ما تسمح لان جدو جان تعبان وشوكت ما جاله مقهور وصافن البعيد

هنا طلعت سنوية بابا و سلر ورجعنا رحنا للمقبرة
وبكل مره اروح بيها انهار وارجع انام بالفراش
يومين تلاثه عطلنا نصف السنه وبهاي العطله
صارت المسجات تزيد وكلامات الحب البيها
ماله وصف گمت اتفقده  و بيوم اللي يتأخر ما يراسل اگعد انتظره شوكت يدزلي كلام حلو
مثل كل يوم وبالوقت اللي يجي بيه مسج منه أبتسم وإني اقرأ بيه

رجعنا داومنا وهاي المره جان حماسي بس حتى أشوفه عكس كل مره حماسي للدوام والشهادة
رتبت نفسي وطلعت امشي العمو سالم صعدت بالسيارة واني أحسب الطريق شبر شبر لحد ما وصلت باوعت على المكان اللي يوگف بيه ما شفته
حسيت بقهر وعيوني ادور عليه بكل المكان دخلت للمدرسة وإني الف فكرة فكرت بيه ليش ما اجى معقوله ما يعرف بينا داومه خاف صاير بيه شي خاف مريض خاف تعبان