Jimin pov
කොන්සර්ට් එකේ වැඩ එක්ක අපි හැමෝම බිසි උනේ හරියට රෙස්ට් එකක් ගන්නවත් වෙලාවක් නැතුව.ඒ තරමට දැන් අවුරුදු ගානකින් අපි හත්දෙනාම එකට තියන්න ඉන්න කොන්සර්ට් එකට ගොඩක් මහන්සි වෙලා ලෑස්ති වෙන්නේ හරිම ආසාවෙන්.මොකද ගොඩ කාලෙකින් මේ අත්දැකීම අපි ලබන නිසා වගේම ආමිලා හම්බවෙන්න මට වගේම අපි හත්දෙනාටම තිබ්බේ එක වගේ ආසාවක්.පහුගිය දවසක මගේ නූනා හම්බුන දවසේ ඉදන් මම මූඩ් ගහලා හිටපු බව දන්නේ ටේ විතරයි.මොකද මම අනිත් අයට මේ දේ ගැන කියන්න ගියේ නෑ.ප්‍රැක්ටිස් ඉවර කරලා අපිට අද නිවාඩුවක් හම්බුන නිසා මම මගේ ගෙදර ගිහින් ටිකක් නිදහසේ හිටියේ මේ දවස් වල අපේ ඩෝම් එක පිස්සු නටලා නිසා.
නූනා ඉන්න බව දැනගත්ත එක.එයා මං එක්ක වචනයක්වත් කතා කරපු නැති එක.මට ඒ දේවල් ගැන හිතා ගන්න බැරිනුනා.ඒ නිසාම මම කල්පනා කරන්න ගත්තේ ඇත්තටම මේ දේවල් වෙන්න පුලුවන් ද.ඔව් මම නිකන් හිටියා කියලා හිතුවද.නෑනූනා එකපාරටම අතුරුදන් උනාම මම හෙව්වා එයාව ගොඩක්.එයා මගේ ලැප් එකේ අන්තිමට සර්ච් කරලා තියෙන්නේ නාසා එකේ වෙබ් සයිට් එකක්. ඒකේ තිබුනේ
Wishing star
කියලා තරුවක් ගැන.ඒක ගැන ඇයි එයා හෙව්වේ කියලා බලන්න මමත් ගොඩක් ඒක ගැන හොයද්දි තමයි දැක්කේ ඒකේ පරන මිත්‍යා මතයක් තියෙන බව.ඇත්තටම ඒකෙන් එහෙම ප්‍රාර්ථනා ඉශ්ට වෙනවද කියලා මම මුලින් ඇත්තටම විශ්වාස කරේ නෑ.මොකද නූනා ඒ වෙබ් එකට ගිහින් ඒක ගැන ගොඩ පාරක් හොයලා තියනවා.ඒත් මට එහෙම සැක කරන්නත් බෑ.මොකද නූනා කිව්වා එයා ඒ ෆීල්ඩ් එකට ගොඩක් ආසයි කියලා.මම හිතන දේ වෙන්න බැරි වෙන්නත් පුලුවන්.
එහෙම දේවල් මේ ලෝකේ වෙන්නේ නෑ.ඔයාටත් පිස්සු ජිමින්.ඒත් ඒක එහෙම වෙලා නම්..ආයිශ් නෑ.....අනී....
එහෙම හිතලා මම මගේ පරන ලැප් එක ආයෙත් ඇරියා.ඒක එදා වගේම අදත් හොදට තිබුනා.මොකද නූනා ගියාට පස්සෙ ඉදන් මම ඒක පාවිච්චි කරේම නැති නිසා.පොඩ්ඩක් දූවිලි වැදිලා පරන වෙලා තිබ්බත් ඒක වැඩ කරා.නිකමට මම ඉස්සර මගේ ෆොටෝ බලන්න හිතුන නිසා සමහර ෆෝල්ඩර් දිග ඇර ඇර මම එක එක ෆොටෝ දිහා බලද්දි මම දැක්කේ එක වීඩියෝ එකක්.ඔව් ඒ එයා.
