Unicode
အပိုင်း - ၃
စံ အိမ်သာကဆင်းပြီးပြန်လာတော့ ဦးကတုံးကို မတွေ့ရတော့ပေ။ဒီလူကြီးကို စမြင်ကတည်းက သူမရယ်ချင်နေသည်။အရပ်ကြီးက ကလန့်ကလားနှင့်ကတုံးပြောင်ပြောင်အောက်မှာ မျက်ခုံးကြီးက မဲခဲနေတာ ခူကောင်ကြီးတင်နေတဲ့အတိုင်းပါပဲ။
"စံစံ ဘယ်သွားနေတာလဲ..."
"...ရေအိမ်သွားတာ မာမီ ...."
"..သမီးဒယ်ဒီက သမီးကိုမတွေ့လို့ လိုက်ရှာနေတယ်။လာ...လာ...ကျောင်းပေါ်တက်ရအောင်...."
စံ မေမေဆွဲခေါ်ရာ ဘုန်းကြီးကျောင်းပေါ်သို့ ပြန်တက်ခဲ့သည်။
💮💮💮💮💮💮💮💮💮💮💮💮
လူချော ဘုန်းဘုန်းရှေ့မှာထိုင်ပြီး ဧည့်သည်နှင့်စကားပြောနေရာမှ အမျိုးသမီးနှစ်ယောက်ဝင်လာ၍ စကားစဖြတ်လိုက်၏။
(ဟိုကလေးမလေး)
လူချောမျက်နှာ အလိုလိုနေရင်း အိုသွားသည်။သူ့ကို ဦးကတုံးလို့ခေါ်တာမကြိုက်ပေ။ကလေးတစ်ယောက်က လူကြီးသူမကို မလေးမစားနှင့်ဆက်ဆံသလို ခံစားရသည်။ဘုန်းကြီးက အခေါ်လွှတ်၍သာ ကျောင်းပေါ်ပြန်တက်ခဲ့ရ၏။သူ့စိတ်ကတော့ မကြည်ချင်။
"စံစံ ဘယ်သွားနေတာလဲ။ခုနက ဒယ်ဒီအောက်ဆင်းတော့ သမီးကိုမတွေ့ဘူး..."
(ဪ ဒီပေါက်စက သူဌေးကြီးသမီးကိုး)
လူချော အခုမှပဲသိရတော့သည်။
"...စံက ရေအိမ်သွားတာ ဒယ်ဒီ...မဟုတ်ဘူး...မဟုတ်ဘူး...ကုဋီသွားတာ...."
"...ဟေ...."
စံစံ ဦးကတုံးကိုမြင်ပြီး ရေအိမ်လို့ပြောနေရာမှ ကုဋီလို့ပြောင်းပြောလိုက်ရာ ဘုန်းဘုန်းအသံက ဟေခနဲထွက်သွားသည်။
"...သမီး ကုဋီဆိုတာ ပါဠိလို သံဃာတွေရဲ့အခေါ်အဝေါ် အိမ်သာကိုပြောတာ..."
"...ဟမ်...."
ဒယ်ဒီပြောလိုက်မှ စံ ကြောင်သွား၏။
"....ဟားးဟားးဟားး ဒကာကြီးသမီးကတော့ စံဆိုတဲ့အတိုင်း တကယ့်စံပဲ...."
ဘုန်းကြီးက ရယ်လို့မဆုံးပေ။စံလည်း ပြောပြီးမှ ရှက်သွားသည်။
YOU ARE READING
ကိုလူချောရဲ့ ပင်တိုင်စံ(Complete) (ကိုလူေခ်ာရဲ႕ ပင္တိုင္စံ )
Fantasy"..ဒီမှာ ကိုလူချော..." "..ဗျာ..." "..ကျွတ်...အဲ့ဒီလိုခေါ်ပြန်ရင်လည်း ဦးလေးကြီးနာမည်က တင်စီးလိုက်တာ..စံမကြိုက်ပါဘူး..." "ကို.ဖြုတ်ပြီးခေါ်.." "ဟင်.. အတူတူပဲလေ...တော်ပြီတော်ပြီ..ကိုကြီးလို့ခေါ်မယ်...."