Unicode
အပိုင်း - ၈
"ဘော့စ် ကောင်မလေးနဲ့ သိလား...."
"ဘာလုပ်ဖို့လဲ..."
"...သိချင်လို့ပါဗျ..."
"ဟုတ်တယ်ဘော့စ် ပြောပြပါဦး...ဘယ်လိုတွေ့ခဲ့ကြတာလဲ..."
ပင်တိုင်စံတို့ ပြန်သွားသည်နှင့် သူ့လူတွေအကုန် သူ့အနားဝိုင်းလာပြီး တစ်ယောက်တပေါက်နဲ့မေးကြသည်။
"..ကောင်မလေးက မက်စ်တပ်ထားတာတောင်မှ ကြည့်လို့ကောင်းနေတာ။တော်တော်လှမယ့်ပုံပဲ..."
"..ဟုတ်လားဘော့စ်...လှလား..."
"မသိဘူးကွာ..."
"ဟားဟားဟား...ဘော့စ်က ရှက်နေတာဟေ့..ကောင်မလေးနဲ့ ဇာတ်လမ်းရှိခဲ့ပုံပဲ..."
"..မင်းတို့ထပ်ပြောရင် ည ၁၀ နာရီထိအောက်မှာနေရမယ်..."
သူပြောလိုက်သည်နှင့် အသံတွေက တိခနဲဆို တိတ်ကျသွားသည်။အောက်မှာနေရမည်၏ အဓိပ္ပာယ်မှာ လေ့ကျင့်ခန်းလုပ်ရမည်ဖြစ်သည်။အပေါ်ထပ်ကသာ သူတို့၏ နားနေဆောင်ဖြစ်သည်။ပင်တိုင်စံက နာမည်ကြီးအဆိုတော်ဆိုတာသာ သူ့ကောင်တွေ သိများသိခဲ့လျှင် ဘယ်လိုများနေမည်မသိ...
💮💮💮💮💮💮💮💮💮💮💮💮
မန္တလေးမှ ရန်ကုန်ကိုမောင်းနှင်နေတဲ့ ကားလေးပေါ်တွင်...
"မစံ ခုနက အကိုကြီးနဲ့ ဘယ်တုန်းက သိတာလဲ..."
"အဟင်း..."
"...ဟယ် ဘယ်လိုကြီးရယ်နေတာလဲ မစံ...."
"...အဲ့ဒါ အချစ်ကိုတွေ့လို့ရယ်တဲ့ပုံစံဟဲ့...မရတော့ဘူး...ငါတော့ ဦးလေးကြီးကိုအသေကြွေနေပြီ....သမ္မာဒေဝနတ်ကောင်းနတ်မြတ်တွေကြောင့်
ငါငယ်ငယ်က Crush ကြီးကိုပြန်တွေ့ရပြီ....ဟိ...ဟိ..."စံကတော့ လက်သီးလေးဆုပ်မျက်လုံးလေးမှိတ်၍ မျက်ခုံးမွှေးကြီးကို မြင်ယောင်လိုက်သေး၏။အဲ့ဒီမျက်ခုံးကြီးကို ကြွေခဲ့ရတာ မဟုတ်လား...
"..လိုက်လို့ကို မမီတော့ဘူး မစံရေ။ဝေစားမျှစားလေး လုပ်ပါဦး....."
"ဒီလိုဟ......"
စံလည်းနွယ်ရုံ့ကို ကုန်းသာရွာမှာ ဦးလေးကြီးနှင့်တွေ့ခဲ့သည့်အကြောင်းများကို ပြောပြလိုက်လေသည်။
YOU ARE READING
ကိုလူချောရဲ့ ပင်တိုင်စံ(Complete) (ကိုလူေခ်ာရဲ႕ ပင္တိုင္စံ )
Fantasy"..ဒီမှာ ကိုလူချော..." "..ဗျာ..." "..ကျွတ်...အဲ့ဒီလိုခေါ်ပြန်ရင်လည်း ဦးလေးကြီးနာမည်က တင်စီးလိုက်တာ..စံမကြိုက်ပါဘူး..." "ကို.ဖြုတ်ပြီးခေါ်.." "ဟင်.. အတူတူပဲလေ...တော်ပြီတော်ပြီ..ကိုကြီးလို့ခေါ်မယ်...."