Unicode
အပိုင်း ၂၄ နဲ့ ၂၅
#Normal #Fiction Name -
ကိုလူချောရဲ့ ပင်တိုင်စံ
Author - ဆာရာမူး
အပိုင်း - ၂၄
ပတ်ဝန်းကျင်ဆိုတာ ချီးမွမ်းခုနှစ်ရက် ကဲ့ရဲ့ခုနှစ်ရက် တဲ့။
သိပ်မှန်တဲ့စကားပါပဲ။အစောပိုင်းတုန်းကတော့ စံလေးရဲ့ခိုးရာလိုက်ပြေးတဲ့သတင်းနဲ့ ပြန်လည်ဖြေရှင်းတဲ့သတင်းက ထရန်း (trend) ဖြစ်နေခဲ့သည်။အခုတော့လည်း အရာရာဟာ အရင်လိုပြန်ဖြစ်သွားခဲ့ပြီ။
စံ့ရဲ့သန်မာတဲ့စိတ်ဓာတ်ကို သူတကယ်ပဲလေးစားမိ၏။အင်တာဗျူးမှာ ဖြေသွားတာတွေအာလုံးဟာ အပိုအလိုမရှိ ထိမိလှသည်။
*တန်…….တန်…….တန်……..
“ဟဲလို……မောင်လူချောလား……အန်ကယ်ပါ…..”
“ဟုတ်ကဲ့အန်ကယ် ပြောပါခင်ဗျ……….”
“မောင်လူချော အချိန်ရရင် အန်ကယ့်ရဲ့ ဟိုတယ်ကို ခဏလောက် လာခဲ့ပါလားကွ……..အန်ကယ် စကားလေးနည်းနည်းပြောစရာရှိလို့……..”
“ဟုတ်ကဲ့အန်ကယ်…..ကျွန်တော် ညနေ ၆ နာရီတော့ အားပါတယ်………”
“ဟုတ်ပြီ…..အဲ့ဒီအချိန် အန်ကယ်စောင့်နေမယ်….”
အန်ကယ့်ဘက်က ဖုန်းချသွားသည်နှင့် လူချော စဉ်းစားခန်းဝင်သွားသည်။သူနဲ့အန်ကယ်ကြားမှာ အရေးကြီးကိစ္စပြောစရာဟူ၍ ဘာမှမရှိပေ။ဘာအကြောင်းနဲ့ စကားပြောချင်သည်ဆိုတာကို သူ တွေးမရအောင် ဖြစ်နေ၏။
💮💮💮💮💮💮💮💮💮💮💮💮
Easter ဟိုတယ်ထဲရောက်သည်နှင့် ဧည့်ကြိုလေးက သူ့ကိုအန်ကယ်စောင့်နေတဲ့ အခန်းဆီခေါ်သွားလေသည်။
“လာ မောင်လူချော ထိုင်ပါ….”
“ဟုတ်ကဲ့ အန်ကယ်…”
“မင်းအလုပ်ရောဘယ်လိုလဲ….”
“အဆင်ပြေပါတယ်အန်ကယ်….မာကတ်တင်းပိုင်းတော့ အားနည်းနေသေးတာပေါ့……အလုပ်ဝင်နေကြတဲ့ သူတွေအားလုံးလည်း အဆင်ပြေကြပါတယ်…….”
“အေးကွာ……ကြားရတာ ဝမ်းသာပါတယ်…….အန်ကယ် မင်းကိုခေါ်ရတာက စံစံ့အကြောင်းပါ………”
ВЫ ЧИТАЕТЕ
ကိုလူချောရဲ့ ပင်တိုင်စံ(Complete) (ကိုလူေခ်ာရဲ႕ ပင္တိုင္စံ )
Фэнтези"..ဒီမှာ ကိုလူချော..." "..ဗျာ..." "..ကျွတ်...အဲ့ဒီလိုခေါ်ပြန်ရင်လည်း ဦးလေးကြီးနာမည်က တင်စီးလိုက်တာ..စံမကြိုက်ပါဘူး..." "ကို.ဖြုတ်ပြီးခေါ်.." "ဟင်.. အတူတူပဲလေ...တော်ပြီတော်ပြီ..ကိုကြီးလို့ခေါ်မယ်...."
