Unicode
အပိုင်း - ၂၉ (ပထမတွဲ - ပြီး)
"ကိုကြီး...."
"ဟင်...."
"ကိုကြီးစိတ်ထဲ နေလို့အဆင်ပြေသွားပြီလား...."
"အင်း......."
"အဲ့ဒါဆို စံရင်ဆိုင်ခဲ့ရတဲ့ အဖြစ်အပျက်တစ်ခုကို ပြောပြမယ်...နားထောင်မှာလား....."
"ပြောပြလေ....."
"ကိုကြီးကိုပြောပြဖို့ စိတ်ကူးလိုက်တိုင်းထွက်မလာခဲ့တဲ့ စံ့ရဲ့အိပ်မက်ဆိုးကြီးပေါ့....."
💮💮💮💮💮💮💮💮💮💮💮💮
လွန်ခဲ့သော ၆ နှစ်
အတန်းအားချိန်တိုင်းမှာ စံတို့နှစ်ယောက်ဟာ ဒီအအေးဆိုင်လေးမှာ လာထိုင်နေကျဖြစ်သည်။
"စံ...."
ချောရဲ့ခေါ်သံကြောင့် အအေးကိုပိုက်နဲ့စုပ်သောက်နေရာမှ သူမမော့ကြည့်၏။ချောမျက်နှာက စံ့ကိုပြောရမှာ မဝံ့မရဲဖြစ်နေဟန်ရှိသည်။
"ပြောလေချော....ဘာအခက်အခဲရှိလို့လဲ....."
"ဟို...ချောလေ...ချော.....စွမ်းကိုချစ်နေတာကြာပြီ...."
ချောရဲ့ တိုးဖွဖွစကားအဆုံးမှာ စံကြောင်သွားသည်။အအေးသောက်နေရာကနေ ပိုက်ကိုမလွှတ်မိသေးပေ။
(ချောက စွမ်းကိုချစ်နေတာတဲ့လား....ဒါဆိုဘာလို့ အစောကတည်းက မပြောခဲ့တာလဲ...)
"ချောလေ....မျိုသိပ်ထားတာ ကြာပြီ...စွမ်းကရည်းစားရှုပ်တယ်....အချစ်ကိုအလေးအနက်မထားဘူး...အဲ့ဒါကြောင့် ချောရဲ့အချစ်ကို ဖွင့်မပြောဘဲနေခဲ့တာ...."
'အဲ့ဒါဆို ဘာလို့များ စံ့ကိုပြောပြရတာလည်း ချောရယ်....'
ချောကို စိတ်ထဲကပဲ အပြစ်တင်လိုက်မိပါသည်။တကယ်ဆို ချောဘက်က စောစောပြောပြခဲ့ဖို့ ကောင်း၏။စံလည်း လူငယ်တစ်ယောက်ပဲလေ.... ရုပ်ချောချော ဖော်ရွှေပျူငှာတဲ့ကောင်လေးကိုရင်ခုန်မိတာ စံမှားလား....စံအဖြေပေးတော့မယ်ဆိုကာမှ ချောကဒီစကားကို တမင်ပြောခဲ့တာပင်....
အချစ်ဆုံးသူငယ်ချင်း သဘောကျနေတဲ့ကောင်လေးကိုတော့ စံလည်း ချစ်သူမတော်ချင်ပါ။စံနောက်ဆုတ်ဖို့သာရှိတော့သည်။ဒါပေမဲ့ ချုပ်ချယ်လွန်းတဲ့ ဒယ်ဒီတို့ကိုလည်း အရွဲ့တိုက်ချင်၏။ရည်းစားမထားနဲ့ဆို ထားချင်သည်။မလုပ်နဲ့လို့တားလျှင် ပိုလုပ်ပြချင်သည်။
KAMU SEDANG MEMBACA
ကိုလူချောရဲ့ ပင်တိုင်စံ(Complete) (ကိုလူေခ်ာရဲ႕ ပင္တိုင္စံ )
Fantasi"..ဒီမှာ ကိုလူချော..." "..ဗျာ..." "..ကျွတ်...အဲ့ဒီလိုခေါ်ပြန်ရင်လည်း ဦးလေးကြီးနာမည်က တင်စီးလိုက်တာ..စံမကြိုက်ပါဘူး..." "ကို.ဖြုတ်ပြီးခေါ်.." "ဟင်.. အတူတူပဲလေ...တော်ပြီတော်ပြီ..ကိုကြီးလို့ခေါ်မယ်...."