#تُراب الديجور "الأنتقام "
الكاتبة: نجلاء 💎✨
—————————
بغداد
الثامنه صباحًا
اقف امام المرآة ارتدي معطفي الرصاصي فوق ملابسي السوداء اخذتُ حقيبتي القيتُ نظرة اخيرة على مظهري وابتسمتُ بأتساع لاعجابي بشكلي.
فزيت من صوت اختي الي تصيحلي حتى انزل اتريگ، نزلت ليجوه وصبحت على اختي
:صباح الخير
؛ لك هلاا بمحاميتنا الورد
ابتسمت على كلامها ،ونطقت
:شعجب لحد هسه مرايحه للجامعه ؟
؛مو اول محاضره تبدي ب9
:لعد خلصي واوصلج بطريقي
هزت راسها ب اي،خلصنا وطلعنا للسيارة وصلته
للجامعه وطلعت رحت للمحكه وصلت طبگت السيارة
نزلت اليوم عندي قضيه خُلع بس مو اي قضية لبست الروب ودخلت لقاعة المحكه ،موكلتي متعرضه للعنف من قبل زوجها وهذا من غير السب ومخليها تخدم
زوجتةالثانيه ،دخلت بكُل ثقه ورزانه بدت الجلسه ، بدأ يحجي محامي زوجها ابتمست على كلامه الي يضحك
،بديت احجي اني واطيت للقاضي ادلة واثباتات للي كاعد تعيشه موكلتي وشنو من ظلم واهانات وغير ذالك انو زوجها سكير ومشتغل بالمخ***ت من قبل فهي مجانت بس قضية خُلع هيه جانت خُلع واكشتاف تاجر مخدرات ماعليه ادله بس بفضل زوجته الي ساعدتني وكدرت اخذ الادله الكافيه القضية مجانت محتاجه اكثر من جلستين لانُ الادله كُلها ضده بعدها رمه عليها يمين الطلاق ،
ابتسمت بفخر وباوعت لطليقاها بنظرات شماتة وانتصار ، التفتت بموكلتي الي عيونها بدت تجري دموع من الفرحه توجهت الها خليت ايدي على جتفها ونطقت بأبتسامه
:امسحي دموعج هيج أشخاص ميستاهلون تنزلين دموعج الغاليه عليهم ، انتِ قوية ودليل على ذالك انج ماقبلتي على الأهانات والظُلم واتحملتي كُل هذا، انتِ وصية الرسول انتِ من حقج تعيشين بعز وكرم وخير
انتِ لازم تكونين سعيدة وطموحه وقويه استمري بهاي قوتج ولا تخلينا بيوم تقُل.
هزت راسها ابتسمت بين دموعها وكالت
؛ اني كُلش اشكرج على تعبج وياي الله يوفقج.
ابتسمتلها وطلعت من القاعه واني امشي بفخر وشموخ استوقفني صوت وهو ينادي بأسمي التفت على مصدر الصوت وجانت زَميلتي
:إرم..إرم
؛نعم
:الخميس الجاي الحنه مالتي وانتِ معزومه مو ماتجين
ابتسمت : ان شاء الله اجي
ودعتها وطلعت من المحكمه ورحت لجامعة اختي راوية
وصلت ولكيتها منتظرتني اشرتلها حتى تصعد اول
مصعدت عاطت
راوية؛ لك هلا بمحاميتنا العلم
إرم :ولج صوتج فضحتينا
رواية : اي اي بس ودينا ناكل ميتتةة جوععع
ضحكت عليها شون جرت الحجاية الاخيره ام بطن
رحنا تغدينا ورجعنا للبيت ...
يوم الخميس:
واگفة گدام الكنتور وصافنه شلبس هيه حفلة بس مال بنات يعني اذب الحجاب الفززني من صفنتي دخول راوية وهيه تحجي بصوت عالي
:علي اية وعلي غاية
وعلي راية وعلي ثاية
وعلي حماي الحمايه
علي نور وعلي سور
علي همة علي قمة
علي ثمه علي الليث المجرب
علي جتال مرحب
ضليت صافنه عليها شويه وهيه هم صفنت عليه بحركه سريعه اخذت الشبشب وهيه گبل طفرت وضليت اركض وراها وگفت شويه وقنصت على صماخهه وضربتها براسها ، جان تضل تعيط
أنت تقرأ
تُراب الديجور "الأنتقام "
Mystery / Thrillerهناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولابدّ أن يقوم على أنقاضه شيء آخر.
