#تُراب الديجور "الانتقام"
بقلمي انا الكاتبة نجلاء💎
naujall
معرف قناة التليگرام انسخوا واكتبوه بالبحث مال التلگرام
وتطلعلكم القناة ضيفوني لان نسولف هواي ونحجي بأشياء تخص القصة فحنتونس هواي 🫂
حبايبي صوتوا وعلقوا بين الفقرات 🤍.
——————————————————
گعدت بكسل من النوم مديت ايدي على الميز الي بصفي اخذ تلفوني شفتها الساعه 7 ونص الصبح سديت التلفون ورجعته
مديت جسمي بتعب گمت من الفراش واني اسحل بروحي
طلعت من الغرفة ورحت غسلت وتوضيت وصليت نزلت جوه اخدت موز وتفاح وگعدت بالصالة اگلج بالتلفون واكل بيهن اليوم ماعندي محاضرات الساعه 7 ولا الساعه 8
مر الوقت وشفتها صارت 8:15 گمت صعدت لغرفة نيار اگعده حتى يوصلني لان مالي خلگ اضل واگفه انتظر تكسي دگيت الباب قبل لا ادخل گلت خاف گاعد بس مجاوب
دخلت للغرفة
راوية : نيار اگعد يلا حتى توصلني
طلعت من الغرفة واني احجي بصوت
راوية: يلا نينووو گوم اني حروح ابدل بين متگعد
طلعت وعفت الباب مفتوح لبست وخلصت كُلشي واگفه گدام ميز المراية مستغربه نيار لحد هسه مگاعد اخذت نفس ورحت للغرفتة ولگيتة على نفس الحطة مااتحرك ولا گعد
رحت وگفت يمة وحجيت بصوت عالي
راوية: ولك نياررر اگعد شنو هاي صارلي ساعه من گعدت يمعوده گوم شني تنبل خوما تنبل
اشو هذا لا حس ولا نفس تقربت منه ودغيتة من چتفة
راوية: نيار.. نيار اگعد يمعوده اگعد
هم ماگعد بلعت ريگي بخوف وهزيته جمسمة بأيدي
راوية: نيارر لك نيار اكعد شبيك
ولا اتحرك ولا سوه شي رجف جسمي من الخوف حتى مااعرف شأسوي نسيت اني دكتورة نسيت اني اعرف اتعامل وهيج حالات نسيت كُلشي مديت ايدي اخذ تلفوني
الي جان بصفي بالگاع شلتة واني ايدي ترجف اتصلت على إرم ماردت اتصلت مره ثانية هم ماردت ثالث مره رابع مره يلا ردت فتحت الخط وگالت
إرم: الو
حجيت بخوف وبسرعة
راوية: إرمم الحگيني نيار مااعرف شبيه
ردت بسرعة
إرم: شنووو شبيه نيار شصار
راوية: م ..ماعرف مجاي يرد عليه جاي اگعد ومجاي يگعد
حجت والقلق مبين بصوتها
إرم: جاية جاية
سدت التلفون واني ضليت گاعده بصفة مااعرف شسوي بس ارجف لميت رجلي لصدري واني گاعده گدام الجرباية مرت نص ساعة اول اقل وسمعت صوت الباب ينفتح يعني
YOU ARE READING
تُراب الديجور "الأنتقام "
Mystery / Thrillerهناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولابدّ أن يقوم على أنقاضه شيء آخر.
