#تُراب الديجور "الانتقام "
الكاتبة: نجلاء 💎✨
هذا naujall
معرف قناة التليگرام انسخوا واكتبوه بالبحث مال التلگرام
وتطلعلكم القناة 🫂.
————————————-
يومًا جديد يبدأ في قضية اختفاء الثلاث شابات مازالت عملية البحث مُستمر ولم يهدأ لهم بال ولم يُغمض لهم جُفن ....
بعد مرور 9 ايام على القضية..!
دخلت على المُحقق لكيته مسترخي على القنفه ومخلي رجلينه على الطاوله المُقابله للقنفه حمحمت حتى ينتبه لوجود فتح عيونه وباوعلي ببرود ونطق
المُحقق : نعم؟
رفعت حاجبي مستنكره بروده ونبرته رديت عليه بنفس النبره
إرم:اجيت ابلغك انو المُدير يريدك
مانتظرت رده وخليت وطلعت رحت للمكتب الي موجود بيه المُدير كعدت كعدتي المُعتاده المليانه ثقه ..دقايق ودخل المُحقق عگد حواجبه بأستغراب
المُحقق : نعم استدعيتني ؟
المُدير: اي ، اتفضل اكعد وخلينا نتناقش
كعد المُحقق بالكُرسي المقابيلي وهو يباوعلي بجمود واني اقابله بنفس النظرات وجان المُدير كاعد على رأس الطاوله
المُدير: مر وقت هواي ومتوصلنا لشي
اخذت نفس وجاوبته
إرم: نعم لان القضية مابيها اي ادلة وثباتات انو البنات صارلهن شي
المُدير: صحيح ب..
قاطع كلام المُدير المُحقق وهو يگول
المُحقق: زين هو مو المفروض الاجتماع يكون بين
المُحققين بس ؟ليش استدعيت المُحاميه وياي .
ضليت صافنه من استهزائه بيه حجه المُدير
المُدير: حضرت المُحقق لا تنسى ان المُحاميه الها الحق بأنُ تحضر الاجتماعات والجلسات الخاصه بالتحقيق
باوعتله واني رافعه حاجبي
المُدير: واني اختاريتها تحديدًا حتى تكون وياك غير عن البقيه لان هيه ذكيه ذكاء مُختلف تفكيرها خارج النطاق تفكر بالاشياء بشكل عقلاني وعبقري .
ابتسمت بفخر ورجعت نظري للمُحقق ميل حلگه بطريقه مذهوله
بعدها ابتسهم بأستهزاء ، كملنا مُناقشتنا وطرحت افكاري بالبحث عن المفقودات ونالت اعجاب المُدير اما عن المُحقق ف كل مااحجي حجايه يباوع ويبستم بأستهزاء حيل نرفزني.
خلال هاي المُده اتعرفنا اني والمُحقق هواي لكن شخصيته كانت مُستفزه جدًا واحيانًا احسه يتعمتد يستفزني ويعصبني احاول اتلافه النقاش وياه من يكون مُستفز ... .
خلص الاجتماع والمُحقق رجع لمكتبه واني رحت احجي ويا راوية لكيتها متصله عليه من زمان
إرم: ها راوية شلونج
راوية: هلا يعمري الحمدلله ملحكت عليج اليوم شعجب طالعه من وقت ؟
توني جاي ارد عليها قاطعني صوت المُحقق وهو يصيح عليه
المُحقق: إرم تعالي بسرعه وصلنا اتصال يخص القضية.
سديت الاتصال من راوية وركضت بأتجاهه
YOU ARE READING
تُراب الديجور "الأنتقام "
Mystery / Thrillerهناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولابدّ أن يقوم على أنقاضه شيء آخر.
