#تُراب الديجور "الانتقام"
بقلمي انا الكاتبة نجلاء💎
naujall
معرف قناة التليگرام انسخوا واكتبوه بالبحث مال التلگرام
وتطلعلكم القناة ضيفوني لان نسولف هواي ونحجي بأشياء تخص القصة فحنتونس هواي 🫂
حبايبي صوتوا وعلقوا بين الفقرات 🤍.
—————————————————-
وگعت على ركبي ويه صوت الطلقه مااعرف شنو جاي احس بس الي اعرفه حاليًا هو اني مااگدر اتحرك احس ماتن رجليني والي اسمعه بس صوت صياح الولد
وهمه كُلهم ركضوا على وره البراميل مكان نيار و راوية بس اني بقيت بمكاني انشليت ماكدرت اتقدم خطوه وحده رمشت بثقل واني احاول اگوم او على الأقل التفتت عليهم بس مااگدر
ضليت شوي على هذا الوضع اجاني صوته القلق
الريس: إرممم
مارديت عليه ولا اتحركت ولا التفتت بقيت متجمده بمكاني
الريس: إرم مابيهمم شيي
بقيت بدون اي ردة فعل
تميم: ولكم روحولها خاف صار بيها شي
سمعت صوت خطوات ركض من الخلف
نيار: إرم..إرم حبيبتي شوفي شوفي مابينه شي گلبي انتِ شبيج
يحجي وهو يرجف ويحضن بأكتافي گام من مكانه وصار گبالي وحضن وجهي بأدينه وگال
نيار: عمري حبيبتي إرم يحيلي انتِ والله مابينه شي شوفيني گبالج
رفعت عيوني بأتجاهه بثقل وحجيت بخفوت
إرم: مابيكم شي مو
هز راسه وگال
نيار: مابينه شي مابينه شي
بعدها اخذتي بحضنه واني شددت على حضنه بعدها ابتعدت ورفعت راسي وگلت
إرم: وين راوية
اشرلي بحواجبه وراي بلعت ريگي وسندت روحي على نيار وگمت اخذت نفس عميق بعدها التفت عليهم لگيتهم كلهم يباوعولنا وأسيف جان واگف مقابيل البراميل والريس جان يباوعلي بنظرات كلها قلق واهتمام مطيت الهم اهمية باوعت على نيار وگلت
إرم: وين راوية ؟
تنهد وگال
نيار: وره البراميل العجوزيه تگول مابيه حيل اگوم عود من تخلصون گلولي
ضحكت ورحت بأتجاه البراميل لگيت گاعده بالگاع ومتجيه على الحايط باوعتلها بتعجب وگلت
إرم: صدگ تحجين؟
باوعتلي وهيه رافعه حاجب
راوية: شبيج
ذبيت نفس واني اگول
إرم: ديلا گومي خلينا نروح
گامت وهيه تنكت ملابسها من التراب من طلعنا وصار الضوه على أسيف راوية شهگت و وسعت عيونها حيل
حجت وهيه تخلي ايدها على حلكها بصدمه
راوية: دكتور إسيف!!!!!
ابتسم ابتسامه صغيره وهو يخلي ايده وره رگبته وهز راسه ب أي واطانه ظهره وراح للولد تقدمنا بأتجاههم و راوية بعدها مصدومه اتقربت عليه وگالت
راوية: دكتور إسيف طلع شقاوه
هيه عبالهم صوتها ناصي بس كلهم سمعوها وطگوها بضحكه عالي خو تميم ونيار اتمددوا بالگاع من الضحك
والريس ضل يضحك بقوه وهو مخلي ايده على اركبه اما
إسيف باوع عليها شوي وگام يضحك اما راوية ضمت شفتها للداخل بأحراج ضحكت على شكلهم وعلى شكل راوية الي ضمت روحها بظهري خلصوا ضحك وهمه يحاولون يلتقطون انفاسهم بصعوبه من فرط الضحك
YOU ARE READING
تُراب الديجور "الأنتقام "
Mystery / Thrillerهناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولابدّ أن يقوم على أنقاضه شيء آخر.
