#تُراب الديجور "الانتقام"
بقلمي انا الكاتبة نجلاء💎naujall
معرف قناة التليگرام انسخوا واكتبوه بالبحث مال التلگرام
وتطلعلكم القناة ضيفوني لان نسولف هواي ونحجي بأشياء تخص القصة فحنتونس هواي 🫂
حبايبي صوتوا وعلقوا بين الفقرات 🤍.
—————————————————-فتحت عيوني بثگل نظري مغوش راسي احسه منمل رمشت اكثر من مرة لحد ماوضحت الرؤية شفت السگف ابيض درت وجهي على كيف على جهه اليمين لگيت راوية گاعده
على الكرسي گبال السرير ولازمه إيديه ومنزله راسها ساندة على إيدها الي لازمه إيديحركت إيدي بخفه وهيه بسرعه فزت وگامت اتقربت مني وخلت من إيدها على راسي وإيدها الثانيه بقت لازمه إيدي
راوية: هاي عيني شجاي تحسين هسه ؟
حجيت بصوت ناصي
إرم: راسيراوية: اي حبيبي هذا طبيعي لأن مماكله بس هسه راح اصيح الدكتورة اخليها تفحصج وتحطلج مُغذي ثاني
وفعلًا راحت صاحت للدكتورة وفحصتني
حجت الدكتوره وهيه تهمهم
الدكتورة: همم .. شوفي حبيبتي انتِ لازم تهمتين بأكلج يعني اني شفت تحاليلج تغذيتج ضعيفهحجت راوية وهيه مكتفه إديها وميله حلگها
راوية: لا دكتورة تغذيتها زينه وتاكل اشياء صحيه بس .. هيه تشرب چاي هواية لذالك هو يمتص الحديد الي يدخل بجسمها والفايتميناتباوعتلها الدكتوره و رفعت حواجبها بخفه وگالت
الدكتورة: حضرتج دكتورة؟ابتسمت راوية وحجت بثقة
راوية: اي نعم وان شاء الله هاي السنه اتخرجضحكت الدكتورة بخفة وگالت
الدكتورة: يعني احنا زملاءبادلتها راوية الضحكة وهيه تهز راسها اخذت نفس بخفه الدكتوره وهيه تگول بهمة
الدكتورة: ضروري تقللين شرب چاي لان كلش مُضر بصحتج ويمكن تتكرر عندج هاي الحاله اذا ماقللتي منه واني هم راح اكتبلج فايتميناتراوية: بس من رخصتج دكتوره اذا راح تكتبيلها حبوب حديد ف الغيه واكتبيلها مُغذي حديد لان معدتها متستحمل الحبوب
الدكتورة: تدللين دكتورة
ضحكت راوية وبعدها طلعت الدكتوره التفتللي وهيه تباوعلي برفعة حاجب باوعتلها بأستغراب
حجت بنترة وهيه رافعه حواجبها
راوية: شفتي عيوني كله من وره هذا الچاي الي ترشبينهردت احجي بس قاطعني دخول نيار وجان شايل بإيده علاگه دخل سوده الباب وراه خله العلاگه على جهه
![](https://img.wattpad.com/cover/358895981-288-k440674.jpg)
أنت تقرأ
تُراب الديجور "الأنتقام "
Mystery / Thrillerهناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولابدّ أن يقوم على أنقاضه شيء آخر.