تُراب الديجور "الانتقام"
بقلمي انا الكاتبة نجلاء💎
naujall
معرف قناة التليگرام انسخوا واكتبوه بالبحث مال التلگرام
وتطلعلكم القناة ضيفوني لان نسولف هواي ونحجي بأشياء تخص القصة فحنتونس هواي 🫂
حبايبي صوتوا وعلقوا بين الفقرات 🤍.
—————————————————-
ملامح جامده مابيها اي ردة فعل مشاعري مااعرف احددها
طلعت من المجمع واني بيدي التحاليل امشي ببطء للشاليه مامنتبه لأي شي شاردة بتفكيري....
رجعت لواقعي على آثر صوت وركض
: رغدد
رفعت عيوني بشرود وعگدت حواجبي بأستغراب
رغد: استاذ تميم
وصل يمي وهو ياخذ نفس وگال بنبره باين عليها الخوف
تميم: شبيج رغد شكو صايرلج شي؟
صفنت بوجهه بضياع وحجيت بنبره خافته
رغد: ها
باوعلي مستغربني
تميم: شكو شبيج رغد ؟؟
باوعت على التحاليل الي بإيدي بعدها رفعت انظاري عليه وهمست
رغد: ها .. بس جنت ( اشرت على الصيدليه) بالصيدليه
تميم: ليش اكو شي يوجعج بعدين شنو هاي الي بإيدج ؟
رغد: لا بس اخدت مسكن لوجع راسي
هز راسه بعدم تصديق وهو مستغرب من ضياعي ومن شرودي...
**
سارة:
ادندن بصوت خافت واني اكوي ملابسي خلصت ورحت ابدل اليوم دوامي ب10 الصبح وگفت گدام المرآيه اعدل بشالي نكثت ملابسي اعدل بيهن ...
باوعت على شكلي بتمعن ابتسمت وطلعت لگيت ماما محضره الريوگ رفعت راسي من شفتها طالعه من المطبخ ولازمه القوري مال چاي...
ابتسمت وتقربت الها بست راسها وايدها
سارة: صباح الخير ماما شلونج
ام سارة: صباح النور بنتي تعالي تريگي
هزيت راسي ورحنا احنا الاثنين للصالة ولگيت اخوي محمد گاعد
سارة: صباح الخير
محمد: صباح الن...
ماكمل كلامه من رفع راسه وشافني تحولت ملامحه للغضب وعاط بصوت
محمد شنوووو هذااا الي لابستهههه ؟
عگدت حواجبي بأستغراب ونزلت راسي اباوع على ملابسي بعدها باوعتله وكلت
سارة: شبيهن ؟
محمد: شنو شبيهن دشوفي شون ضيگ وبعدين شنو هاي الالوان الي تجيب التايه
سارة: شبيك محمد ترا لبسي مبيه
محمد: ولج انجبي صلفة شون تردين عليه هيج ( باوع على أمي وأشر عليه) شفتي يمة شفتي مو گتلج راح تطلع عينها بس تشتغل
YOU ARE READING
تُراب الديجور "الأنتقام "
Mystery / Thrillerهناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولابدّ أن يقوم على أنقاضه شيء آخر.
