تُراب الديجور "الانتقام"
بقلمي انا الكاتبة نجلاء💎
naujall
معرف قناة التليگرام انسخوا واكتبوه بالبحث مال التلگرام
وتطلعلكم القناة ضيفوني لان نسولف هواي ونحجي بأشياء تخص القصة فحنتونس هواي 🫂
حبايبي صوتوا وعلقوا بين الفقرات 🤍.
—————————————————
صافنه على السگف بضياع مااعرف شنو اسوي وشنو احجي وشنو راح يصير.. !!
صارلي اربع ايام من رجعت من السفره الي اصلاً مفتهمت منها شي..
بسبب ضياعي و شرودي مجنت اطلع وياها على الرغم من الحاح صديقاتي بس اني مجنت گادره على شي ..
وزياده على هذا ألم بطني الفضيع الي مااعرف شون اهدئه
مديت ايدي على المسكن الي يسكن ألمي لساعات قلية ..واخذتلي حباية
التفتت براسي أثر دخول امي وهيه تباوعلي بتنهيده طويله
ودخلت للغرفه،
اتقربت مني وهيه تبارعلي بحزن گعدت على الجرباية قريب مني
وگالت بصوت واهن وبيه حزن
ام رغد: شبيج يابعد امج متگليلي شبيج من رجعتي من السفره لحد هسه وانتِ مااعرف شبيج لا تجين ولا تگعدين يمي وحتى صديقاتج يسئلني عليج وماعرف شجاوبهن
تنهدت تنهيده حسيتها گطعت احشائي من جوه
رغد: مابيه شي ماما مابيه شي
ام رغد: شون مابيج شي دشوفي السواد الي جوه عينج شوفي شكلج شگد تعبان بنيتي احجيلي مو والله گلبي خلص
حجيت بأبتسامه مُزيفه
رغد: ماكو شي ماماميتي بس شوي تعبانه من السفره
حجيتها وانطيتها ظهري سكتت شوي بعدها زفرت نفس طويل وطلعت اول مطلعت ماما من الغرفه انهارت دموعي الي جاهدت علمود متنزل ..
توقفت عن البجي واني اجر نفس سندت نفسي وگمت دخلت للحمام فتحت بوري المغسله وغسلته وجهي بمي بارد سندت بإديه الاثنين على حوض المغسله..
وصفنت على جريان المي لفتره غمضت عيوني بقوه وفتحتها وگفت بحَزم و بدأت اتوضى خلصت وطلعت فرشت سجادتي و وگفت استقبل القبلة
وبدأت اصلي ركعتين ، بنص صلاتي بدأت دموعي تنزل خلصت صلاتي وسجدت
رغد: يا رب هونها عليه يارب
ضليت ادعي الله يخلصني من هاي الأزمه ، رفعت راسي واني احسه راح ينفجر وعيوني راح يطگن من الدموع
مديت ايدي على القرآن الي جان على الطبله وبدأت اقراء بيه لوقت طويل ...
خلصت قراءة القران واني احس روحي مرتاحه غمضت عيوني واني اتنفس براحه شلت القرآن رجعته لمكانه
والسجادة هم
بعدها رحت لفراشي ونمت ...
گعدت على صوت المُنبه الساعه 6 ونص گمت بتثاقل سويت روتيني المُعتاد بعدها بديت ابدل ..
صارلي يومين ضاربه الدوام بدون اجازه وحتى اذا البنات خابروني مااجاوب
YOU ARE READING
تُراب الديجور "الأنتقام "
Mystery / Thrillerهناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولابدّ أن يقوم على أنقاضه شيء آخر.
