#تُراب الديجور "الأنتقام"
الكاتبة:نجلاء 💎✨
——————————
احنا خفنا من الساعة احنا خفنا من الايد الطالعه ولابسه هاي الساعة
فراس: ولك هاي شنوووووووووو هاي ايد مال بشررررر
كريم: بسررررروعه خلي ندگ على الشرطة
واتصلنا عليكم وانتوا اجيتوا وهذا كُل الي صار
باوعنا اني والمُحقق لبعض بصدمه واستغراب
إرم: معقوله تكون هاي الايد تخص وحده من البنات ؟
المُحقق: احتمال كلش جبير انو تخصهن
إرم: خويه كوم ويانا وشوفنا المكان
دلونا على المكان وشفنا وحاوطوه الشُرطه وحرصنا انو الاعلام والصحافه ميشمون خبر بس اكيد ماكو خبر ينضم عليهم ، بعد الحفر والبحث
استخرجنا ثلاث جُثث كانت ملفوفة بغطه كبير وكانت واصله مراحل مُتقدمه من التعفن ،ولكينا داخل هاي الحُفره قطع ملابس ما تخص الجُثث وقطع ورق مُقطعه
اني والمُحقق بحالة صدمه من بشاعه المنظر
المُحقق: لاحول ولاقوة الا بالله
جنا حرفيا مذهولين ، نقلنا الجُثث للطب العدلي حتى يفحصون الجُثث ونتأكد اذا هاي الجُثث للبنات او لا
ابتعدنا اني والمُحقق عن مسرح الجريمه
إرم:مجاي استوعب المنظر!!!
المُحقق: منظر يگطع الگلب
إرم:اخخخخ اتعذبن هوايييييي
: ايي، الله يعين اهلهم من تطلع نتيجه الطب العدلي
: اي والله الله يساعدهم ويكون بعونهم
هز راسه بأسف وضلينا نمشي لحد ماوصلنا للسياره
صعدنا السياره وهو يسوق لان اني مااجيت بسيارتي
باوعت على ساعة الشاشه الموجوده بالسياره جانت الساعة 7:35 بعدها رجعت راسي على الكشن ودرت وجهي بأتجاه الجامه حمحم المُحقق وحجه
المُحقق: احم تقلبين عزيمة على العشاء ؟
درت وجهي بأتجاهه ضليت اباوعله دقايق حسيته توتر من نظراتي وبلع ريگه الصراحه جنت جوعانه فگلت
إرم: الصراحه اني جوعانه مماكله شي من الصبح ف اي .
هز راسه بأبتسامه وانطلقنا نحو المطعم طبگ السياره ونزلنا للمطعم واخذنالنه طاوله المطعم جان تقريبًا شُبه فارغ انتظرنا النادل يجي اخذ طلباتنا و راح
المُحقق: مُمكن اسأل ؟
إرم : نعم اتفضل
: شنو يسوي الانسان من يوصل درجه عاليه من التعب من كُل النواحي سواء جسدي او نفسي وتتجمع عليه المشاكل ..؟
نزلت عيوني وابتسمت بعدها اخذت نفس وجاوبته
: لما تتبدأ تشعر بالتعب وتكون مُنهك جدًا اتذكر انو عندك رب راح يعوضك عن كُلشي يصير وياك لازم نلتجأ لرب العطاء للمُغيث ونستغيث بيه ونتقرب منه من خلال الصلاة وقراءة القران الكريم و الادعيه ونبينا الكريم وآل بيته عليهم السلام
من تتجمع عليك المصائب والمشاكل هذا يعني انك قوي ف الله لا يعطي اصعب المعراك اله لأقوى الجنود وتذكر قول الله سُبحانه وتعالى{وَصبِرْ لِحُكْمِ رَبِّكَ فإنكَ بَأًعيِننا} ولازم تكون مؤمن بأن الله راح يفرجها وراح يزول كُل تعبك ،ثم يأتيك الله بأشد مايتمنا قلبك ، عوضًا عن ايام ثقالٍ وجبرًا عن قوة العالم.
رجعت نظري عليه ولكيته صافن ومبتسم من انتبه عليه التفت ناحيته بلع ريگه وحمحم وهو يعدل گعدته وكال بأبتسامه
المُحقق: كلامج مُريح ويدخل الگلب مُحاميتنا
YOU ARE READING
تُراب الديجور "الأنتقام "
Mystery / Thrillerهناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولابدّ أن يقوم على أنقاضه شيء آخر.
