#تُراب الديجور"الأنتقام"
الكاتبة نجلاء💎
———————————
الساعه 6:40 صباحًا
كالعاده اكعد على صوت المنبه كمت سبحت وصليت
لبست بنطرون قماش اسود وقميص ابيض وفوگاهم معطف يوصل للركبه اسود وشال اسود اخذتلي نظره اخيره على شكلي ابتسمت ونزلت جوه لكيت راويه جاي تحظر الريوگ
إرم: صباح الخير
راوية: صباح النور يلا تعالي خلي نتريگ
هزيت راسي وكعدنا ناكل خلصنا وطلعنا صعدنا بالسياره
راوية: بربج استعجلي ترا اول مُحاضره عدنا دكتور احمد وهذا مسوي روحه شخصيه ميخلي احد يدخل وراه
ضحكت بصوت وهزيت راسي
وصلتها لجامعتها وتوجهت للمحكمه.....
راوية:
وصلتني إرم للجامعه باوعت على الساعه وضربت جبهتي اول محاضره باديه صارلها سبع دقايق ضليت اركض وصلت فحطانه فتحت باب القاعه عدنا اكثر دكتور غثيث بالجامعه ،انتبهلي من فتحت الباب ودخلت نص جسمي وكلت
راوية:اعتذر دكتور عن التأخير بس جان اكو زدحامات.
الدكتور بصياح
: بره ،اني مااقبل احد يدخل ورايه
ضليت صافنه عليه حسيته اخذ خاطري وجعصه جعص
طلعت واني متفشله رحت للكفتريا اخذتلي شي اكله ورحت كعدت على المسطبه بالحديقه اكل وادگلي صفنات هذا الدكتور عكر مزاجي واني بعز صفنتي اجاني واحد مسوي تسريحة الديج جان يكول
:شبي الحلو كاعد وحده ؟
باوعتله وعطت بيه
راوية: تروح منا لا اسطرك لطمه اخليك مضحكه لأمة محمد امشيييي .
عاد هو ضل صافن مصدوم شون هذا الشكل الكيوت هيج يحجي كمت عفته ورحت لغير مكان ضليت كاعده بيه وضربت كُالمحاضرات..
إرم:
وصلت وتوجهت لمكتبي بديت اشتغل على الحاسبه وره مُده المُدير دز عليه كمت ورحت لمكتب المدير طرقت الباب سمحلي بالدخول ..
إرم: نعم استاذ دزيت عليه
المدير: اي تفضلي اكعد
توجهت اكعد على الكرسي المقابيل المكتب
المُدير: اليوم اجتني قضية مُعقده ومالگيت غيرج مُمكن يستلم هذي القضيه .
هزيت راسي بأبتسامه
المُدير: القضية مابيها ادله لذالك راح يكون شُغلج ويا التحقيق الجنائي .
إرم: اريد ملف القضية
مدلي بأيده الملف وكارت
المُدير : وهذا كارت المُحقق الي راح تشتغلين وياه اتمنى تتفقون وتخلصون هاي القضية بنجاح .
هزيت راسي وكمت وكفت
إرم : ان شاء الله
طلعت من مكتب المُدير ورجعت لمكتبي گلبت بملف القضيه مجان بيها ادله يعني لازم مُساعدة المُحقق الجنائي ،باوعت على الكارت بتفكير لمُدة دقايق بعدين اخذت الملف وجنطتي وتوجهت للمكان المُوجود بيه المُحقق الي راح يساعدني وصلت للمكان دخلت امشي برزانة وهدوء سئلت عن مكتب المُحقق عرفت وين مكتبه وتوجهت جان الباب مفتوح و مموجود بيه احد دخلت وجان اكو قنفه گدام المكتب بمترين تقريبا
توجهت كعدت عليها بكُل ثقه وخليت رجل على رجل وسانده ايدي على اليده مال الكرويته وانتظر وصول المُحقق سمعت صوت خطواته وراي لحد ما وگف مقابيلي وكُل هذا اني على نفس هدوئي وكعدتي رفعت راسي بهدوء ضل صافن بوجهي شوي بعدها رفع حاجبه وسألني بستهزاء وهو مخلي ايده بجيب البنطرون
: منو انتِ؟
رفعت راسي بهدوء ونطقت بفخر
إرم: أني المُحاميه إرم عِنان الي حتكون وياك بالقضية
ضل يباوعلي لدقايق معدوده بعدها ابتسم ابتسامه جانبيه وتوجه للمكتب وكال
: اهلاً بالمحاميه
إرم: اهلاً بيك ،نكدر نتناقش بالقضيه ؟
رد بجمود: اي.
YOU ARE READING
تُراب الديجور "الأنتقام "
Mystery / Thrillerهناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولابدّ أن يقوم على أنقاضه شيء آخر.
