#تُراب_الديجور_الانتقام
بقلمي انا الكاتبة نجلاء💎
—————————-
جان اشوف بوكيه ورد بالگاع لون وردي كُلش جبير ويمه كيس انيق جدًا مااعرف شنو بيها طلعت شوي من الباب وباوعت يمنه يسره ملگيت احد موجود ابتسمت واخذته هو والكيس ودخلت جوه وطبگت الباب مشيت للصاله واني اشم ريحة الورد الي جذبتني كعدت على الكرويته وخليت الورد على الطبله وانتبهت على الكارت الي موجوده بالورد اخذته وفتحته ولكيت مكتوب بيه:
لم تُخلق عيناك للتتعب
ولم يُخلق وجهك الحَسن للحُزن
اتمنى هديتي البسيطه تنال إعجابك انستي الفاتنه.
"عاشقكِ المجهول"
ابتمست بأتساع على الكلام حولت إنظاري على الكيس خليت الكارت على صفحه بعدها اخذت الكيس وفتحتها لكيت بيها علبة راقيه جدًا فتحت العلبه ولكيت قلادة نازگة حيللل وتصففففننن من جمالها وانصدمت انُ هيه مُرصعه بالألماس لكيت كارت صغير موجوده يمها
مكتوب
: اني احسد القلاده وبشده
لأنها سوف تُعانق عُنقك الجذاب
ضحكت مصدومه وفرحانه بنفس الوقت اخذت تلفوني ودخلت على حسابه اراسله كتبتله
إرم: شنو هذا الي دازه؟
رد عليه بسرعه عبالك منتطر رسالتي
: ألم تُعجبك هديتي ؟
رديت عليه واني اكتب
إرم: هيه حلوه بس شنو جايبلي الماس ترا ميصير
رد عليه
:اُقسم اني لو جلبت لكِ كُل مجوهرات العالم لا استطيع التعبير عن حُبي لكِ يامعشوقتي.
رديت واني اضحك من طريقة كلامه
إرم : انتَ جاي تخليني بموقف مُحرج يعني حتى مااكدر ارجعلك الهدية لأن مااعرفك ومااكدر اقبلها لان ميصير
رد عليه
: معشوقتي اقبلي الهديه واتمنى ان ترتديها .
ومخلي يمها قلب ابيض
ضحكت ومرديت بس خليت عليها اعجاب اخذتهن وصعدت لغرفتي خليتهم على الميز وكعدت وصفنت عليهم افكر بالمواقف......
الصبح
طلعت من وقت ورحت لمكتب المُحقق من بديت القضيه لحد هسه واني اروح بس لمكتب المُحقق
وصلت ودخلت واني رافعه راسي وامشي بكُل ثقة
كعدت بالمكتب على الكرويته المُعتاده طلبت چاي مهيل
وكعدت انتظر المُحقق واني اشرب بالچاي...
راوية:
كاعده على الجربايه وصافنه بالفراغ واني لعبانه روحي مااريد ااداوم بالدفرات يلا كمت بدلت لبس اي شي وطلعت اخذت تكسي ورحت للجامعه وصلت دخلت للمحاضره وجان الدكتور بعده مجاي قاطع صفنتي مي وهو ينحط گدامي باوعت على المي وعلى الي خلا المي بأستغراب
جاسر: احم انتِ زينه ؟
عدلت گعدتي وحجيت
راوية: الحمدلله
هز راسه بأبتسامه وكعد بصفي ، باوعت علي بطرف عيني و وخرت عليه مسافه لان جان قريب عليه راد يحجي بس دخل الدكتور سلم علينا وبدأ المُحاضره الي بألف ياعلي خلصت اول مطلع اني طلعت ورحت للكافتيريا اخذتلي
شي اكله واشربه
أنت تقرأ
تُراب الديجور "الأنتقام "
Mystery / Thrillerهناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولابدّ أن يقوم على أنقاضه شيء آخر.
