#تُراب الديجور "الانتقام"
بقلمي انا الكاتبة نجلاء 💎✨
——————————-
وكالعاده لگيت الحساب المجهول دازلي رساله
دخلت على المُحادثه لگيته كاتب ..
: ياحسنج حضاره وحير التاريخ
تاسع مُعجزه يالوح مسماري
بابل ماشافت مثلج ولا اشور
خدج سومري وطول عشتاري
ومخلي يمها قلب احمر ، ابتمست على كلامه دائمًا هذا الحساب يدزلي رسائل واني ارد عليه باعجاب على الرساله
طفيت التلفون ونمت .....
الصبح
كعدت وبسرعه توجهت لمكتب المُحقق وصلت للمكتب وطرقت الباب سمحلي ادخل اول مشافني ابتسم وكال
المُحقق: هلا صباح الخير
إرم: صباح النور
كعدت على الكرويته المُعتاده واني مدنگه اكلب بالأدله
قاطعني المُحقق
المُحقق: متريگه؟
جاوبت واني على نفس وضعيتي
إرم:لا
المُحقق: عرفي الي بأيدج وامشي عازمج على ريوگ
رفعت راسي بأستغراب
المُحقق: راح تاخذيلي صوره؟
ضحكت بخفه وهو ضحك على ضحكتي هزيت راسي وطلعنا لمطعم جان قريب علينا تمشيناله طلبنا اكل وكعدنا على الطاوله ننتظر الأكل ،
إرم: حضرت المُحقق شون خليت المُتهم بهل سُرعه يعترف
باوعلي وأبتسم لان حجيت
المُحقق: غالبًا بهيج قضايا الي تكون تخص النساء اسئل المُتهمين " شنو تعنيلك المرأة "وعلى حسب جوابه راح تكون طريقة استجوابي اله
باوعتله وهزيت راسي بأعجاب من تفكيره
إرم:هو كُلش كاره المرأة ومستعبدها!!!!
المُحقق: صح اغلب الي يكونون هيج اشخاص انبنت شخصيتهم من الطفوله على هذا لأساس بسبب تصرفات يشوفها او كلام يسمعه ف انطبعت اباله واستمرت وياه للكُبر او اشخاص علموه انو هيج هذا التصرف الصح!!!
عقدت حواجبي بضوجه وضليت ساكته ، اجه الأكل
اكلنا وخلصنا ورجعنا للمكتب هو راد يروح لمكتب مُحقق ثاني قبل لايطلع التفتلي وگال
المُحقق: لتضوجين
ابتسم بخفه وطلع واني هم ابتسمت ورجعت اكمل شغل ....
راوية :
كاعده على المُدرج بأمان الله اراجع الماده فجأة قاطعني صوت بنيه
: كومي
رفعت راسي وعاگده حواجبي بأستغراب
راوية: نعم؟
: كومي
راوية:ليش ؟
: شنو ليش كومي هذا مكاني
راوية: دروحي منا اكعدي بأي مكان
البنيه بصوت عالي
: اني كتلج كومي هذا مكاني
انغثيت منها كمت وكفت وحجيت بصوت عالي
راوية: هو شنو مكانج احنا بالمدرسه حتى تكولين مكاني؟
: اني كتلج كومي
راوية: عود من يصير المُدرج بأسمج تعاي واحجي .
رادت تحجي بس قاطعنا دخول الدكتور وهيه باوعتلي بغضب ومشت ،هزيت ايدي بتعجب
باوعلنا الدكتور أسيف بأستغراب بس ماعلق بدأ يشرح شوي بعدها كال
أسيف: يلا طُلاب امتحان
بدأن يوزع اوراق الامتحان بهدوء بعدها رجع للستيج وگف بكامل هيبته وهو يباوعلنه بتركيز وهدوء ، اول مشفت الأسئله ردت ابجي ضليت صافنه عليها مااعرف شي من الي جاي
YOU ARE READING
تُراب الديجور "الأنتقام "
Mystery / Thrillerهناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولابدّ أن يقوم على أنقاضه شيء آخر.
