تُراب الديجور "الانتقام"
بقلمي انا الكاتبة نجلاء💎
naujall
معرف قناة التليگرام انسخوا واكتبوه بالبحث مال التلگرام
وتطلعلكم القناة ضيفوني لان نسولف هواي ونحجي بأشياء تخص القصة فحنتونس هواي 🫂
حبايبي صوتوا وعلقوا بين الفقرات 🤍.
—————————————————-
غلقت الدفتر وگمت جبت شي أكله لان صارلي هواي مماكلة
حطيتلي فواكهه بالماعون وحمصت توست وخليت بيه جبن ورجعت لغرفتي عدلت گعدتي خليطت الماعون بحضني
ولزمت الكتاب بإيدي ورفعت خليته بمستوى نَظري
وبدأت اكمل قرأة
دفتر المُذكرات لحد الصفحه الي وصلتلها .....
قائد الجيش الالهي
خطواتك قانون
بكل خطوه يقلون
من تحجي يسكتون
هيبه وغير انتَ الشيخ
ياجنة ويا نار خزراتك انذار
عينك من تندار يرجف حتى التاريخ
بطل النزال اسد القتال
عندك محال تخسر حرب
رجف الفرات حس بالممات
يدري لاجاه فارس صعد
ملك الصفوف ،ملك السيوف
ملك الرجال ماينغلب سيفك
القصيدة الي يحجيوها نيار و راوية بصوت عالي واحنا مُتوجهين الى كربلاء المُقدسة.
نَزيت من مكاني من صياح راوية
راوية: قائد الجييشش الالهييي
كفختها على راسها
إرم: صوتج خرعتيني
باوعتلي بطرف عين معاجبها رجعت تچيت راسب على حافة الشباك وصفنت على الطريق نزين مره ثانيه على عياط راوية
راوية: عاااااا وصلنا
فزيت ودرت وجهي لگيت السيطرة الي مكتوب فوگاها
"مُحافظة كربلاء المُقدسة "
ابتسمت واني اشوفها رفعت راوية تلفونها وصورتها
مرينا من السيطرة ودخلنا لمحافظة كربلاء المقدسة ماطولنا تقريبًا اقل النص ساعه و وصلنا للكراج
عِنان: انزلوا خلي اطبگ السيارة
نزلنا ولبسنا عباياتنا اجه بابا بعد ماطبگ السيارة
مشينا مسافة لحد ماوصلنا لتفيشات واخيرًا وصلنا ودخلنا بين الحرمين باوعت منا على جهتي اليسار باوعت ليفوگ وشفت مكتوب
السلام على من وفى ببيعتهُ
ابتسمت ودخلنا اني وماما و راوية للتفتيش الاخير خلصنا وطلعنا من البرده واحنا بداخل الأمام مشينا واني بس استنشق الكم الأكبر من الهواء والريحة التخبل وگفت من شفت ضريح الأمام العباس ( عليه السلام) گدامي
ضليت اباوع وهمست
إرم: السلام على قمر العشيرة السلام على أبا الفضل العباس
ماكو هواي ناس لان جايين بنص الأسبوع لزمت الشباك وضليت ادعي واني احس گلبي يرجف خلصنا وگعدنا بمكان قريب على ضريح الأمام صلينا صلاة الزيارة وقرينا زيارة الامام العباس وزيارة عاشوراء انتچيت على الحايط
ودرت وجهي على جهه الضريح واني اتأملة
YOU ARE READING
تُراب الديجور "الأنتقام "
Mystery / Thrillerهناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولابدّ أن يقوم على أنقاضه شيء آخر.
