#تُراب الديجور "الانتقام"
بقلمي انا الكاتبة نجلاء💎
naujall
معرف قناة التليگرام انسخوا واكتبوه بالبحث مال التلگرام
وتطلعلكم القناة ضيفوني لان نسولف هواي ونحجي بأشياء تخص القصة فحنتونس هواي 🫂
حبايبي صوتوا وعلقوا بين الفقرات 🤍
——————————————————
گاعده بالحديقه وأسولف ويا شخص يسُر الأنظار ودناكل لفات ونشرب مشروب غازي جان يگلي
: حبيبتي شنو هذا الجمال وشهل العيون التخبل
دنگت راسي مستحية واني بحلگي لگمة من الفة رفعت راسي واني اباوع بخجل وگلت
:حبيبيي لتخجلني
حجه بأبتسامه
:احلى حبيبي اسمعها وياريت اسمعها بس منج
ضل يباوع بعيون ومبتسم واني ابادلة النظرات واكل بشفتي عود مستحي اخذ نفس وكال
: اني احب..
ماكمل كلامه لأن اجاني شبشب ماما وهيه تصيح عليه تگعدني
ام رغد: عوفيني شبيج مچلبة بيه ولجج كومي
گعدت مخترعة مااعرف شسالفه حجيت بضوجه
رغد: ماما جان صبرتي شوي جان راح يگولها
باوعتلي بخزرة وگالت
: ولج منو هذا الي يگلج وشنو الي راح يگولها ؟
برطمت وحجيت
رغد:مامااا ترا حلمم
رفعت ايدها تدعي وتگول
ام رغد: الله يكملج بعقلج يارب
گالتها وطلعت من غرفتي ورگعت الباب لويت حلگي وضلت تلفوني لگيت جايتني رسالة وسعت عيوني وطفرت من مكاني واني اقرأ بالرسالة الي اجتني من الشركه الي قدمت عليها مضمونها * تم قبولك * وانو من باجر اگدر ابدي الشُغل ضليت اگمز من الفرحة طلعت من الغرفة واني امشي بغرور ورافعة راسي وفاردة ظهري بثقة شافنتي ماما
باوعتلي من فوگ ليجوه وگالت
ام رغد: شبيج جنج ديچ مهلس ونافخ روحه
باوعتلها بطرف عين وگلت
رغد: سوري لتحجين وياي بعد
حجت بأستهزاء
ام رغد: ليش عيوني ؟
رغد: انقبلت بشركه***** هاي الشركه اله اطگ بالگاع
ام رغد: اللهم صل على محمد وآل محمد واخيرًا راح اخلص منج وتشتغلين
رغد: ماما شبيج تتحسسيني كاعده صارلي سبعين سنة
ام رغد: هسه عوفينه شوكت تبدين تشتغلين
رغد:من باجر ان شاء الله
ام رغد : خوش
عفتها و رحت غسلت وتوضيت وصليت لبست رحت لماما
رغد: ماما تردين شي راح اروح للسوبر ماركت اجيبلج شي وياي ؟
YOU ARE READING
تُراب الديجور "الأنتقام "
Mystery / Thrillerهناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولابدّ أن يقوم على أنقاضه شيء آخر.
