#تُراب الديجور "الأنتقام"
الكاتبة: نجلاء ✨
—————————
الفجر
فزيت على صوت تكسير وصريخ
سمعت صريخ راوية گبل طفرت من فراشي فتحت الباب بقوة حرفيًا سويت الدرج خطوتين ركضت لمصدر الصوت جان جاي من المطبخ دخلت ولگيت راوية واگعه بالكاع وحواليها مواعين مكسره وشباك المطبخ مفتوح ركضت بأتجاه راوية وگنبصت گبالها
إرم : ش ..شكو شصار ؟ انتِ ز.. زينه م..متأذيه ؟
الكلمات بالكوه تطلع من حلگي من الهبطه والخوف عليها ، بلعت ريگها وجاوبتني وهيه ترجف
راوية:ماكوو شي ب ..بس جنت داخله للمطبخ اسويلي اكل و.. و و وجنت فاتحه الشباك ودخلت بزون وخوفتني.
كعدت بالگاع مهدود حيلي من الهبطه
راوية: اسفه خوفتج
مارديت عليها ، وهيه كامت جابت مكناسه ولمت المواعين المكسره وسدت الشباك زين وراحت طلعت مواعين جديده وصبت بيها الاكل وحطت الاكل على الميز وضلت بقيت صافنه عليها شون تاكل بهدوء ومشغله مسلسل تباوع عليه ولا عبالك قبل شوي جانت ترجف رفعت حاجبي بتعجب درت وجهي واخذت نفس وكمت راجعه لغرفتي اكمل نومتي ...
كعدت من النوم سويت نفس الروتين المُعتاد بدلت وتريگت و وصلت راوية للجامعه واني توجهت للمُحقق، راح استجوب المنطقه الي جانوا البنات عايشات بيها وهم موصل لشي ،
محد شافهم ولا اكو علامات بالطريق الي مشوا بيه ولا اكو دليل انو همه صارلهم شي ....
الاهل من بعد هاي الحادثه خافوا على اطفالهم وصاروا حريصين اكثر .. استمرت هاي القضيه وصارت قضية رأي عام..!
إرم:
القضيه غامضه ومابيها اي أدلة والمُحقق خله دوريات الشُرطه تتوسع اكثر وتنتشر بشكل مُكثف بالمناطق المُجاوره لمنطقه الاختفاء..
جان يوم جمعه يوم الستراحه مالتي اجتني راوية طايره وهيه تعيط بفرحانه
راوية: ولللججحح سساااررةةة بالطريق
ضلت تكمز واني طفرت اكمل وياها فرحانات لان سارة راح تجي ، سارة تكون صديقتنا انسانه تدخل الگلب كُلش حبابه صارلنا سنه مشايفينها ، عفت راوية تتمرگص وحدها و رحت احضر نمنميات وعصاير
خلصتهن وسمعت صوت الجرس دگ ابتسمت وعرفت هاي سارة
طلعت افتح الباب مااحس غير راوية اجتي من وره طايره
ضحكت عليها فتحت الباب وجان تدخل سارة
راوية: لك هلا بضعليييي
سارة: بعد روحي الغاليييي
وتحاضنن وهنه يگمزن ضحكت عليهم ونطقت
إرم: يااا لعد وانيي شنو متسلمين عليه ؟
وخرت من حضن راوية وفتحت ايدها وهيه تحجي
سارة: لك اني مااسلم عليك هو غير انتَ گلبي دتعاي خلي احضنج
ضحكت على كلامها ورحت حضنتها حيللل مشتاقتلها
وره السلام والحصن رحنا كعدنا بالصاله و راوية راحت جاب النمنميات لان السوالف ماتحله اله بالاكل
راوية : ولج اني البارحه باليل من راسلتج ليش شفتي ومارديتي
سارة: يااا ولج غير البارحه صارت عركه
إرم: خير شصاير ؟
أنت تقرأ
تُراب الديجور "الأنتقام "
Mystery / Thrillerهناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولابدّ أن يقوم على أنقاضه شيء آخر.
