REWRITE : Lets escape the reality

chapter 20 part 2

Chapter 20 part 2

Lumipas pa ang ilang minuto ay muli ng pinababa ang mga aplikante upang simulan ang ikalawang pagsubok.

Tumayo sa kinauupuan nito si Pyun at pumunta sa harapan upang magsalita at ibigay ang kanyang pagsubok sa lahat ng aplikante.

" Maraming pag kakataon na mahaharap sa panganib ang mga sundalo kaya naman susubukan ko kayo kung kaya nyo bang ipagtangol ang mga sarili nyo laban sa mga halimaw. " Sambit ni Pyun.

Ipinaliwanag nito ang susunod na paligsahan ay isang karera kung saan kailangan makarating ng mga aplikante sa kabilang arena sa dulo ng isla sa loob lang ng tatlong oras.

" Wala kayong kailangan gawin kundi pumasok sa kabilang arena at mapapasainyo ang ikalawang puntos." Dagdag nito.

Umalingaw ngaw ang paligid dahil sa pagtataka na tila napakadali ng kanilang pagsubok.

" Yun lang ba ang gagawin natin? "

" Wala naman kahirap hirap ang pagsubok nya." 

Napangisi si Pyun na tila may balak na masama habang hawak ang kanyang manika.

" Aba, gusto nyo ng mahirap sige pagbibigyan ko kayo." Sambit nito habang itinataas ang mga kamay.

Kasabay ng pagtataas nya ng kamay ay naglitawan ang mga itim ma magic circle kung saan naglabasan ang higit isang limang daang ibat ibang uri ng kuneho.

Kabilang dito ay mga kasing taas ng tao, kahawig ng lobo at malahiganteng kuneho kasing laki ng gusali.

" Ano ang mga nilalang na yan?" 

" Grabe totoo ba ito? Nagawa nyang mag summon ng napakaraming Halimaw sa isanh iglap lang." 

" Wala pa akong nakikitang summoner na kayang maglabas ng higit sa tatlong halimaw ng sabay sabay." 

" Pinapakita lang nya kung gaano nga ba kalakas ang tinatawag na Black Rabbit ng Dark continent. " 

Ang dark continent ay pinaniniwalaang lugar kungbsaan nag mula ang black magic kaya naman karamihan sa lugar na ito ay mga nilalang na gumagamit ng negative energy.

Ipinaliwanag ni Pyun na ang mga halimaw sa kanilang harapan ay syang pipigil sa kanila na makarating sa kabilang arena at binalaan na gumamit ang lahat ng proteksyon sa katawan para sa kaligtasan nila.

Binigyan nya ang mga ito ng sampung minuto na umalis sa arena papunta sa kagubatan bago nya pakawalan ang mga halimaw.

" Mahalaga sa mga sundalo ng eskapa ang nagtutulungan sa oras ng panganib kaya hahayaan ko kayo na kumuha ng mga makakasama nyo para maging katuwang sa pagprotekta sa mga sarili nyo." Dagdag nito.

Natuwa ang iba sa narinig nila at nagsimulang kumuha ng makakasama.

Marami rin sa mga ito ang hindi ganun kabihasa sa pakikipaglaban kaya naman humahanap sila ng malalakas na makakasama.

Tumatakbo ang oras pero hangang ngayon ay wala parin lumalapit kay nathaniel para isama sya sa grupo. 

" Alam mo nakakaramdam ako ng pagkadismaya, wala man lang gustong samahan ako. Naramdaman ko na ito nung highschool ako tuwing may group activty." Sambit nya.