REWRITE : Lets escape the reality

Chapter 33 part 1

Chapter 33 part 1

Lumipas ang isang oras na paglalakbay ay binabagtas na nila ang daan papasok na sana ng isang bayan na tatlong oras na lang ang layo mula sa galica ngunit huminto ang kanilang mga karwahe dahil sa mga takot na takot na kabayo.

Nagulat at nangangamba ang mga pasehero sa ikinikilos ng mga kabayo kaya naman ang ilan sa kanila ay nag babaan upang tignan ang mga nangyayari.

Hindi malaman ng mga may ari ng mga kabayo kung bakit ayaw nito magpatuloy na tahakin ang daan na tila natatakot na magpunta sa bayan.

" Anong problema? Malapit na tayo sa bayan kung napapagod o nagugutom sila ay dun na tayo magpalipas ng oras." 

Dahil sa pagtatagal nila sa lugar ay lumapit na din sila Nathaniel sa unahan ng karwahe upang malaman ang tunay na nangyayari.

Nahalata ni aibara na natatakot ito at nagkaroon ng hinala na ayaw nila magpunta sa bayan.

Gayumpaman mukha namang payapa ang bayan at walang makikita mula sa kinatatayuan nila na ano mang senyales na masama.

Wala rin halimaw silang nararamdaman sa paligid dahil nga sa malawak ang teritoryo ng pinoprotektahan ng mga kristal na nagtataboy sa mga halimaw.

Patuloy ang pagtataka nila at habang umiikot si Nathaniel sa palibot ay napansin nya ang isang malaking bato sa gilid ng daan ilang metro lang ang layo nila.

Dito ay biglang lumabas si Melon sa hood nya at Pumatong sa ulo ng binata habang binibigyan nya ito ng babala.

" Mag iingat ka, may nilalang na nagtatago sa likod ng mga bato na yan." 

" Ano? Talaga? " 

" Magaling sya magtago ng presensya kaya hindi ko alam kung gaano sya kalakas sya pero sa tingin ko inaabangan nya na magdaan ang karwahe bago sya umatake." 

" Nathaniel Kinakailangan nyong umalis sa lugar na ito sa lalong madaling panahon."  Dagdag ni Melon

Napansin ni Harik na tila nababagabag si Nathaniel kaya naman nilapitan nya ito at tinanong.

Hindi malaman ni Nathaniel ang gagawin dahil wala syang ideya kung ano nga ba talaga ang nilalang na naroon gayumpaman hindi nya malaman kung paano nya sasabihin kung gaano kadelikado ang sitwasyon nila.

" Hoy, ano naman ang problema mo dyan?" Pagsusungit ni Aibara.

" Kailangan na natin umalis dito." 

Nagtaka sila sa nasabi ni Nathaniel at binale wala lang sya nila nito at hindi pinakingan. 

" May nagtatago sa batuhan na iyon at nakahandang umatake ano mang oras saatin." Sambit nito.

Agad na nagduda si Aibara sa nasabi nito dahil wala syang nararamdamang presensya ng ibang nilalang sa batuhan.

Humakbang si Aibara palapit sana sa Batuhan ng bigla syang hawakan sa kamay ni nathaniel para pigilan.

" Hoy bitawan mo nga ako." 

" Makinig kayo alam kong mahirap paniwalaan pero nagsasabi ako ng totoo. Delikado ang buhay natin kapag hinarap natin sya."