ဖေးချမ့် 87+88
အခန်း(၈၇) ဘော့စ်ဖေးရဲ့ အရိပ်အမြွက်
ကျူးရှောင်စဲ၏ အိတ်ထဲမှာ စာချုပ်များစွာ ရှိနေတာကို ဖေးချမ့် သတိထားလိုက်မိသည်။ ကုမ္ပဏီထဲက ရိုက်ကူးရေးခရမည့် လူအားလုံးကိုပါ စာချုပ်ချုပ်ခိုင်းမလို့ ဖြစ်နိုင်ပါသည်။
ဖေးချမ့်က ဒါမျိုးကို အလွန်အကြူး လုပ်နေသည်ဟု ပြောချင်မိသည်။ သို့သော်လည်း သူပြန်စဥ်းစားကြည့်လိုက်သောအခါ ကျူးရှောင်စဲ စာအုပ်ကြီးအတိုင်း လိုက်လုပ်နေတာ မှန်ကန်သည်ဟု ထင်လိုက်မိပါသည်။
ဟွမ်းစစ်ပေါ် ယွမ် ၁ သန်းရပြီးတည်းက သုံးစွဲလိုက်သည့် ပိုက်ဆံတိုင်းကို စာချုပ်စာတမ်းနဲ့ ရှင်းရှင်းလင်းလင်း လုပ်ထားချင်သည်။ သရုပ်ဆောင်အားလုံးကို လက်မှတ်ထိုးခိုင်းခြင်းက ဖြစ်သင့်ပါသည်။
ဒီတိုင်း... ကျူးရှောင်စဲက စာချုပ်အားလုံး ပြင်ဆင်ပြီး ရောက်လာလိမ့်မည်ဟု မထင်ထားရုံသာ ရှိပါသည်။
အရန်လုပ်ငန်း၏ နာမည်က ဖေးဟွမ်လုပ်ငန်းခွင်ဖြစ်သည်။
ဟွမ်းစစ်ပေါ်နဲ့ ကျူးရှောင်စဲတို့က ဒီနာမည်ကို ပူးပေါင်းစဥ်းစားထားကြခြင်း ဖြစ်ပါသည်။ ဒီနာမည်က ဟွမ်းစစ်ပေါ်၏ နောက်နာမည်လည်း ပါဝင်သလို ထန်းတာ့ကော်ပိုရေးရှင်းကိုလည်း အနည်းငယ် လေးစားသမှုပြုထားသည်။
ဖေးချမ့်က သူ့ပေါင်သူ ထောင်းလုနီးပါးဖြစ်သွားပြီး အော်လိုက်ပါသည်။ "ကောင်းတာပေါ့။"
ဒီနာမည်က... တကယ်ပဲ ငါ့အတွက်တော့ ကျေနပ်ဖို့ကောင်းတယ်။
ဖေးဟွမ်လုပ်ငန်းခွင်က ထန်းတာ့နက်ခ်ဝါ့နည်းပညာ ကုမ္ပဏီလီမိတက်၏ အရန်လုပ်ငန်းတစ်ခု ဖြစ်သည်။ ထို့ကြောင့် ၎င်း၏ အမြတ်အားလုံးကို မူရင်းကုမ္ပဏီသို့ ပြန်ပေးရမည်။ သို့သော်လည်း အမြတ်ငွေခွဲဝေခြင်းကိုတော့ ဘာမှဆွေးနွေးစရာ မလိုပေ။ ဖေးချမ်ကလည်း သိပ်ပြီး အသေးစိတ် မလုပ်လိုပါ။
ဒိအရန်လုပ်ငန်း လတိုင်း အရှုံးပေါ်ပါစေဟုသာ မျှော်လင့်နေမိသည်။
စာချုပ်၏ စာမျက်နှာများကို လှန်ကြည့်ပြီး ဖေးချမ့်၏ မျက်လုံများက ဒီဗီဒီယိုအတို စီးရီး၏ နာမည်ကို အရင်ရှာဖတ်လိုက်ပါသည်။
YOU ARE READING
သူဌေးကြီးဖြစ်ဖို့ ပိုက်ဆံတွေ ဆုံးရှုံးဖို့လိုတယ်
Randomမိတ်ဆက် ငါ တကယ် ပိုက်ဆံဆုံးရှုံးချင်တယ် T_T အကောင်းဆုံး သူဌေး၊ စီးပွားရေးလောက၏ အရွယ်နှင့်မလိုက်အောင် ထူးချွန်ပြောင်မြောက်သူ၊ ပါရမီရှင် ဖန်တီးသူ၊ ရာစုနှစ်၏ အမြော်အမြင်ရှိသူ။ ဤသည်မှာ ထန့်တကော်ပိုရေးရှင်း၏ ဥက္ကဌ ဖေးချမ့်အတွက် အသုံးပြုထားသော ဖော်ပြချက်...