ရင်ခွင်ထဲကိုပြိုကျလာသောကိုယ်ငယ်လေးကိုအသာအယာပွေ့ယူပြီး နန်းဆောင်အတွင်းရှိ ကုတင်ပေါ်ကိုတင်လိုက်သည်။
ထို့နောက် သူမမြင်စေချင်သော မျက်နှာလေးကို အခြားသူတွေမမြင်စေရန် အဝတ်ပါးဖြင့်အသာအယာပြန်ဖုံးကွယ်ပေးဖို့လည်းမမေ့ခဲ့ပေ။" အပြင်မှာဘယ်သူရှိလဲ ချက်ချင်းသမားတော်ခေါ်ခဲ့"
ခေါ်သံကြောင့်
နန်းတွင်းသူတစ်ယောက်ပြေးဝင်လာသော်လည်း သမားတော်သွားခေါ်ပေးဖို့
တွန့်ဆုတ်နေဟန်ဖြစ်နေတာကြောင့်
ဆောင်ဟွန်း လေသံကိုပို၍အေးစက်လိုက်ပြီး မျက်မှောင်ကြုံ့ကာထပ်ပြောလိုက်သည်။" အခုချက်ချင်းသမားတော်သွားခေါ်ခဲ့ဖို့ပြောနေတာမကြားဘူးလား
အသက်ဘယ်နှချောင်းအပိုပါလဲ "ထိုအခါမှ နန်းတွင်းသူလေးက
ကြောက်လန့်တကြားအပြင်ဘက်ကိုထွက်ပြေးသွားလေသည်။မကြာမီမှာပင် နန်းတွင်းသူလေးပြန်ဝင်လာသော်လည်း အတူပါလာသူက သမားတော်မဟုတ်ဘဲ နန်းဆောင်ကြီးကြပ်ရေးရှန့်ကုန်းတစ်ယောက်ဖြစ်နေတာကြောင့် စိတ်မရှည်မှုနဲ့အတူ ဒေါသတို့က ထိန်းမရတော့ပေ။
" သမားတော်ခေါ်ခဲ့လို့မှာလိုက်တာ လူစကားနားမလည်ဘူးလား "
ဆောင်ဟွန်းရဲ့အော်ဟစ်သံကြောင့်နန်းတွင်းသူလေးတွေမှာ ကြောက်လန့်လွန်း၍ တုန်ရီနေပြီး ကမန်းကတမ်း ဒူးထောက်ချလိုက်သည်။
နန်းဆောင်ကြီးကြပ်ရေးရှန့်ကုန်းကတော့ နေရာမှာတင်ရပ်ကာ မျက်စိမျက်နှာပျက်လျှက်ဖြေရှင်းချက်ပေးလာသည်။
" ဒယ်ဂွန်က ကံဆိုးစေတဲ့သူဖြစ်တာကြောင့် အရှင်မင်းကြီးနဲ့တကွ တော်ဝင်မိသားစုတွေကိုကုသပေးနေတဲ့ တော်ဝင်သမားတော်ကြီးနဲ့ ကုသပေးဖို့မဖြစ်နိုင်ကြောင်းပါစစ်သူကြီးချုပ် ။
အကယ်၍ နန်းတွင်းထဲက သမားတော်တစ်ယောက်ယောက်က ဒယ်ဂွန်ကိုကုသပေးပြီး ကံဆိုးမှုတွေလက်ခံလိုက်ရရင် တော်ဝင်မိသားစုကိုကုသနေတဲ့သမားတော်တွေအားလုံးဆီကိုပါ ကံဆိုးမှုတွေကူးစက်သွားစေမှာ စိုးတာကြောင့်ပါ။
YOU ARE READING
Majestic Love Story In Dae Goguyeo
Fanfictionစစ်ထွက်ခါနီးတိုင်း ဒီစစ်ပွဲက ကိုယ့်ရဲ့နောက်ဆုံးစစ်ပွဲဖြစ်သွားနိုင်တယ်ဆိုတဲ့စိတ် အမြဲထည့်ထားတယ်။ အသက်ပေးပြီးကာကွယ်နေတဲ့ဒီဂိုဂူလျောမြေဆီကနေ လိုချင်မိတာဆိုလို့ မသေခင်မှာနမ်းရှိုက်သွားချင်တဲ့ ပါးအိအိလေးတွေရဲ့ပိုင်ရှင် အရှင့်သားပဲရှိပါတယ်။ စစ္ထြက္ခါနီးတိ...