[Unicode]
နံနက်ဝေလီဝေလင်းအချိန်တွင် ကိုယ်ပူတစ်ငွေ့ငွေ့တက်လာသည့်မိဖုရားလေးကလက်နှစ်ဖက်ကိုပို၍တင်းကျပ်စွာဖက်ရင်းရင်ခွင်ထဲခေါင်းတိုးဝင်လာသည်။ခြေထောက်ချင်းကိုပတ်လိမ်နေပြီးလှုပ်လီလှုပ်လဲ့ လုပ်နေသည်။အအိပ်ဆက်သည့်မင်းကြီးမှာအမြန်ငုတ်တုပ်ထထိုင်ရင်းမီးအိမ်ကိုထွန်းညှိရသည်။
" သက်ညှာ....!! "
" ချမ်းတယ်......မောင်တော်ဖက်ထားပေး !! "
" ခနလေး ခနလေး သက်ညှာ "
ဝတ်ရုံတော်ကိုလွှား၍ခန်းဆောင်ပြင်ကအထိန်းတော်ဂျင်ကိုခေါ်ဆောင်ရသည်။အော်သံကြား၍ပြာပြာသလဲပြေးလာသည့်ဂျင်နဲ့နန်းတွင်းသူနှစ်ယောက်ဟာခေါင်းကိုငုံကိုင်းပြီးဝင်လာကြသည်။
" မိဖုရားမနာကျမ်းဖြစ်ပြီမို့ လိုအပ်တာတွေယူဆောင်ခဲ့ချေ "
" မှန်လှပါမင်းကြီး "
ခဏအကြာမှာယူဆောင်လာသည့်ပစ္စည်းတွေဖြင့်သန့်ရှင်းမှုကိုအရင်ပြုရသည်။နွေးထွေးသည့်အဝတ်အစားတွေကိုဝတ်ပေးပြီးစောင်ကိုရင်ဘတ်မြုပ်သည်အထိခြုံပေးကာဂျိုင်းနှစ်ဖက်ကနေပွေ့ရင်းရင်ခွင်ထဲထည့်ထားမိသည်။
" နေလို့သာရဲ့လား သက်ညှာ......!! "
" နည်းနည်းနာတယ် "
" မဖြစ်တော့ပါဘူး အကောင်းဆုံးအားဆေးတွေ နန်းတွင်းသမားတော်ဌာနကိုထုတ်လုပ်ခိုင်းမှရတော့မယ် "
" မောင်တော် အိပ်ရေးပျက်ရပြီ "
" ဘယ်ကသာ မောင်တော်ကဒီလိုအချိန်ဆို မင်ယွန်းနဲ့ဓားရေးလေ့ကျင့်နေကြပါ သူမရှိလို့ "
" မင်ဝမ်းနည်းတယ်
မောင်တော်ပင်ပန်းရပြီ "
" သွေးသားချင်းနှီးနောပြီးသားလူတွေမဟုတ်လား မင်မပြောရင်တောင်မောင်တော်အလိုလိုသိပါတယ်
အားနာစရာမှမဟုတ်တာ ပျော်အောင်အိပ်တော့ သက်ညှာ "
" မောင်တော်ခေါင်းပွတ်ပေးလေ "
" ကောင်းပြီဗျာ.......သက်ညှာလေးကိုသိပ်ပြီးရင် မောင်တော်ညီလာခံအတွက်ပြင်ဆင်ရတော့မယ် "
