The Scorned Lover

TSL 14: Revenge

MAHIGIT isang buwan na magmula nang bumalik kami ni Lucy dito sa siyudad. Sa condo pa rin ako tumutuloy at alam na rin ni Pangga na neighbors kami. Pero siyempre, hindi ko pa siya pinapapasok sa kuwarto ko. Baka kasi mabuko pa akong pinapa-surveillance ko siya.

Hanggang ngayon hindi pa rin nawawala sa isip ko ang nangyari sa mansyon ng mga Villaceran noong nakaraang buwan.

Even in my dreams, my conscience haunts me about Clinton and the kiss.

Napagtanto ko ring mali ang ginawa kong pagpayag sa kagustuhan ni Clinton. Maling-mali.

Nahawaan na yata ako ng katangahan ni Ate Nisyel. Tsk!

Kailangan kong makahanap ng tiyempo para masabi kay Pangga ang totoo. I'm afraid that he will get mad once he finds out everything about what happened. At siyempre gusto ko ding maging totoo sa kanya.

True to his words, hindi na nga ako nilapitan pa ni Clinton pagkatapos ng halik na 'yon. Pero sa tuwing nagtatagpo ang aming paningin ay kinikilabutan ako sa kanyang pagngisi.

Mabuti na lang at naisipan ni Pangga na bumalik kami dito sa Maynila pagkatapos ng ilang araw. Nagpaiwan naman si Lucy sa probinsya. Susulitin daw muna niya ang leave niya. Nagtatrabaho kasi siya sa SDM Empire na kasalukuyang mina-manage ni Kuya Skeet.

"What are you thinking?" Napabalik ako sa kasalukuyan nang bigla akong hapitin ni Pangga. Nandito kasi kami sa condo unit niya.

"Wala naman, Pangga. Iniisip ko lang kasi na ang bilis pala ng pangyayari. Hanggang ngayon kasi hindi pa rin ako makapaniwala na sinagot mo na ako." Pareho kaming tumawa.

"You really are into that thing, huh? I told you, I will be the one to woo you this time, right?" An'ya at pinisil ang aking pisngi.

"Eh di sinasagot na kita kung ganun." Sagot ko pero tinawanan lang niya ako. Kating-kati na talaga akong sabihin sa kanya ang nangyari pero ayaw kong masira ang mood niya. Isa pa, hindi pa naman ako sigurado kung anong meron kami.

"We will get there soon, UK... Soon." Sabi niya at hinalikan ako sa ulo. Hindi ko talaga maintindihan 'tong si Pangga eh. Minsan gusto ko nang magtampo pero nauunahan ako ng takot ko. Ayoko namang pangunahan siya sa mga desisyon niya.

"Kailan pa ba 'yang soon na 'yan, Pangga? Atat na akong kalbuhin ang mga manliligaw mo eh." Pagmamaktol ko. Ang dami niya kasing manliligaw. Nakakainis!

"As much as I wanted to have your sweetest yes, I won't. Not now, but soonest. I want it to be the most special day." He smiled dreamily. Napangiti na rin ako. Mukhang may hinihintay pang mahalagang araw si Pangga.

I will wait for that most special day. Pero kailangan ko munang maghanap ng tiyempo para masabi ko sa kanya ang ginawa ng pinsan niya.Tatanggapin niya pa rin kaya ako pag malaman niya ang totoo?Pero paano kung magkaroon sila ng hidwaan ng pinsan niya? Paano kung magkagulo sila nang dahil lang sa'kin? Pag nagkataon siguradong magagalit sa'kin si Donya Divina. Haay...

"Pangga?"

"Hmm?"

"P-paano kung magkaroon ako ng napakalaking kasalanan sa'yo. Iiwan mo ba ako?" Hindi ko napigilang itanong. Bigla naman siyang natigilan at iniharap ang aking mukha sa kanya.

"Why? Is there something I need to know?"

"A-ah... W-wala naman, Pangga. Iniisip ko lang kasi baka magkamali ako sa'yo tapos magagalit ka sa'kin. Ayoko kasing magalit ka." He smiled, as if giving me an assurance.

"Hindi ka naman siguro gagawa ng bagay na ikakagalit ko, di ba?" Tanong niya. Parang kinurot ang aking dibdib. I already did, Pangga. I already did.