The Scorned Lover

TSL 13: Amiss

 "ARE you okay?" Natigilan ako sa pag-iisip nang bigla akong tanungin ni Pangga. Marahan niyang hinagod-hagod ang braso ko gamit ang kanyang daliri.

"O-okay lang, Pangga. Bakit mo naman natanong?"

"You're spacing out ever since you and Nanay talked." Puno ng pag-aalala ang kanyang mukha. Kung sa ibang pagkakataon siguro ay kikiligin ako pero lalo lang akong kinabahan.

"Tell me... Did she tell you something offensive?" Mabilis kong iniling ang aking ulo. Hindi niya puwedeng malaman ang pinag-usapan namin ni Donya Divina. Baka lalo lang akong ma-bad shot sa matandang 'yon pag sinabi ko pa sa apo niya.

"Ano bang pinagsasabi mo, Pangga? Wala naman. Mabait nga lola mo eh." Kulang na lang yata eh pagagawan ko siya ng epitaph na may naka-engrave na Most Outstanding Kontrabida in the Universe sa sobrang bait. Sa isip-isip ko.

"Then what's keeping you silent since earlier? Masama ba pakiramdam mo?" An'ya at sinapo ang aking noo at leeg.

"Hindi ka naman mainit, ah. May masakit ba sa'yo?" Umiling ulit ako at hinawakan ang kanyang kamay. Siyempre libreng tsansing na rin.

"Okay nga lang talaga ako, Pangga. Promise."

"You sure? You seems distracted." Halatang hindi pa rin siya kumbinsido. Tama nga ang sinabi nina Daddy at Mommy na madali akong hulaan kung may bumabagabag sa'kin.

"Oo nga. Okay na okay. Lalo na't kasama kita." Ngumiti ako para lalo siyang makumbinsi. Ngunit bigla rin itong napawi nang magtagpo ang mga mata namin ni Clinton na kasalukuyang nakikipag-usap sa mga ilang tauhan ng hacienda. Kinilabutan ako nang ngumisi siya.

"Maybe you're just tired. C'mon. Magpahinga ka muna sa kuwarto." Nagpatianod na lamang ako nang hapitin ako ni Pangga at iginiya papasok sa loob ng mansyon.

"Oh? Tapos mo na bang kausapin ang mga tauhan natin, anak?" Nakasalubong namin si Tita Therese na pababa ng hagdan. Mukhang may kinuha lang ito sa taas.

"Not yet, Mom. Reign is tired. Pagpapahingahin ko muna siya sa kuwarto."

"Is that so? Naku pasensya na, iha, napagod ka yata sa kakatulong kay Bryce sa pag-asikaso sa mga bisita."

"Wala ho 'yon, Tita. Ayos lang po. Nag-enjoy naman po ako sa kanila." Hindi kasi ako umalis sa tabi ni Pangga kanina habang nakikipaghalubilo sa napakaraming tauhan. Isa pa, umiiwas ako kay Clinton. Ang huklubang lalaking 'yon! May araw din siya sa'kin.

"Mabuti naman at nag-enjoy ka iha. Sige na, magpahinga ka na."

Inalalayan ako ni Pangga papanhik sa hagdan. Hanggang ngayon bumabalik pa rin sa isip ko ang ginawa ni Clinton sa'kin sa garden. He kissed me! Ang walang hiyang 'yon! Humanda talaga siya sa'kin. Makikita niya.

"Bakit nakasimangot ka? Something is really wrong with you." Hindi ko napansing nakarating na pala kami sa kuwarto niya.

"Ha? E-eh pagod lang talaga ako, Pangga." Infairness, napaka-manly ng dating ng kwarto niya nang inilibot ko ang aking paningin. Kulay gray ang pinta ng pader na disenyong bricks. Ibang-iba sa design ng condo unit niya.

Pinaupo niya ako sa kama at lumuhod sa paanan ko. Kinuha nito ang sapatos ko sa paa. Maya-maya'y yumugyog ang balikat nito habang hawak-hawak ang kaliwang paa ko.

"Pft!"

"Ano'ng nakakatawa?" asik ko sa kanya. Akala ko ba kami lang ang may lahing baliw. Mas malala pa yata ang isang 'to.

"Pft! Nothing. Ngayon ko lang napansing ang liit pala ng paa mo."Aniya at sinipat pa talaga ng tingin. "Mas mukha siyang paa ng kindergarten. Pft! Anong size ba 'to? Pft!" Biglang uminit ang ulo ko.