Sentry

3- Monster

Tahimik na lumabas si Rifka mula sa kanyang kwarto. Bitbit niya ang kanyang puting tuwalya at bag ng sabon, shampoo at hair conditioner. Alas-sais pa lang ng umaga at alas-nuwebe pa ang unang pasok niya nang araw na 'yun ngunit naisip niyang maagang maghanda para may oras pa siyang hanapin ang kanyang classroom.

"Why are you walking like a cat?"

Muntik nang mapatalon si Rifka nang biglang lumabas ng banyo si Tiana. Nakatapis lang ito ng kulay pink na tuwalya at pinapatuyo naman nito ng mas maliit na towel ang buhok.

"Ah...ano...akala ko kasi natutulog ka pa," sagot niya saka tuwid na tumayo.

"Nah. I always wake up early. I have to do so much stuff. I'm the president of the student council," anito saka walang paalam na iniwan siya at pumasok ito sa kwarto nito.

Nagkibit-balikat na lang si Rifka saka pumasok na sa banyo.

Mabilis lang siyang naligo. Nagtaka pa siya kung bakit ang daming products sa loob ng banyo. Iba-ibang bote para sa mukha, sa katawan, sa buhok at kung anu-ano pa. Napaisip tuloy siya kung ginagamit talaga ni Tiana ang lahat ng iyun.

The school uniform was a little too short for Rifka. Halos nasa gitna na iyun ng kanyang hita at may kasikipan pa ang itim na undershirt which was also long-sleeved.

Tiningnan niya ang kanyang repleksyon sa malaking salamin sa salas. Bagay naman sa kanya pero hindi siya komportable. Nasanay kasi siyang lageng mahaba ang palda n'ya. At itong knee-high niyang boots ay masyadong torture kung ilakad.

Wala siyang bag kaya binitbit na lamang niya ang kanyang mga libro, notebooks at pencil case.

Marahan lang ang paglalakad ni Rifka pababa ng hagdanan dahil may heels ang kanyang boots at nahihirapan siya dahil d'on. Ilang hakbang pa lang ang nagagawa n'ya pero sumasakit na ang mga paa niya kaya nang lumapag siya sa first floor ay pakiramdam niya ay tumakbo siya ng ilang milya nang naka-high heels.

"Do you have osteoarthritis? Why don't you bend your knees while walking?"

Nag-angat si Rifka ng tingin habang nakahawak sa dingding upang makakuha ng suporta.

Gaius.

Nakakunut-noo ang lalaki habang nakatingin sa kanya. Parang sinasabi nitong mukha siyang baliw kaya napaayos siya ng tayo. Why did she have a feeling that she needed to give him good impression all the time?

"A-Anong ginagawa mo rito?" out of nowhere ay tanong niya.

"First and second floors are occupied by male students and male faculty and staff. Third and fourth are occupied by females," poker face nitong sagot saka siya tinalikuran at iniwan.

Hindi na nagulat si Rifka nang iwanan siya nito nang wala man lang pasabi. Pakiramdam niya ay nasanay na siya rito kaya naman ipinagpatuloy na lamang niya ang paglalakad ng marahan.

Huli na ng ilang araw si Rifka sa kanyang mga subjects kaya kailangan niyang mag-overtime para makahabol sa lessons. Buti na lang at likas siyang matalino kaya hindi siya nahirapan sa unang araw niya sa klase.

Ang nagpapahirap sa kanya ngayon ay ang kanyang boots. Pakiramdam niya ay mapuputol na ang mga paa niya any moment kung hindi niya tatanggalin ang mga 'yun. Pero malayo pa ang lalakarin niya pabalik ng dorm kaya mabagal nanaman siyang naglakad.

"Aray," nakangiwi siyang tumigil sa paglalakad upang magpahinga. Bampira naman sana siya at mataas ang pain tolerance kaso wala yata siyang laban sa sapatos na 'to.

"You okay?" nag-angat siya ng tingin at nagulat na lamang siya nang makita ang isang matangkad na lalaki na nakatayo sa harapan n'ya. Bahagya itong nakangiti sa kanya at napansin ni Rifka kung gaano ito kagandang-lalaki. 'Yung totoo, ka-level ito ni Gaius. Bagay din dito ang suot nitong uniform and unlike Gaius, naka-necktie ng maroon itong lalaki sa harapan n'ya. Dirty blonde ang buhok nito and he had turquoise eyes. Pero hindi nakaligtas sa kanya ang resemblance nito sa isang kakilala.