Runaway Princess

Chapter 5

QUEVIN'S POV

Pagpasok pa lang namin ni Kieyla sa kwarto ni mommy iyong ngiti ko biglang nawala.

"Mom? Anong ginagawa ng babaeng iyan dito?"

"Ayusin mo iyang pananalita mo Quevin." Galit din na sabi Mommy.

"Ano ba kasi ginagawa niyan dito? Alam mong nandito si Vex at girlfriend niya." Naiinis na talaga ako.

"Quevin tama na iyan. Halika na lumabas na tayo." Sabi ni Kieyla sa'kin sabay hila.

"Bitawan mo ako Kieyla, Hindi ko maintindihan mom, bakit pilit niyong binabalik sa buhay ni Vex iyang babaeng iyan. Baka nakalimutan niyo na kung ano ang naging buhay ni Vex mula ng iwan siya ng babaeng iyan."

Naiinis ako, Oo hindi kami close ng kapatid ko pero hindi ibig-sabihin nun ay wala na akong pakialam sa kaniya.

"Quevin makinig ka, handa na ako ngayon. Alam kong iniwan ko si Ryzo noon ng hindi man lang nagpaalam. Pero may dahilan ako kung bakit ko ginawa iyon." Mangiyak ngiyak na sabi ni Serenity

"Pwede ba? Huwag mo sa'kin sabihin ang mga walang kwenta mong dahilan. Dahil hindi mo alam ang pinagdaanan ng kapatid ko matapos mo siyang iwan. Ang mabuti pa bumalik ka nalang sa pinanggalingan mo. Masaya na ang kapatid ko."

"Quevin ano ba? Hindi ko pinapunta si Serenity dito para bastusin mo ng ganiyan." Pagtatanggol ni Mommy sa kaniya.

"Bahala kayo mom, huwag niyo lang hintayin na kamuhian kayo ni  Vex."

Pagkasabi ko nun ay saka ako lumabas.

"Quevin hintay.." sigaw ni Kieyla pagpasok ko ng kotse.

"Quevin ano ba? Bakit mo ginanun si Serenity. Hindi naman natin alam ang dahilan niya. Naging kaibigan din naman natin siya noon."

"Noon iyon Kieyla, noong hindi niya sinaktan ang kapatid ko. Alam mong nagparaya ako dahil siya ang gusto ng kapatid ko. Pero anong ginawa niya?" Galit kong sabi sabay hampas sa manubela.

"Huminahon ka nga muna."

"Bumaba ka na Kieyla gusto kong mapag-isa."

Napabuntong hininga siya saka lumabas. Nahigpit kong hinawakan ang manubela at pinaandar ang kotse. Wala akong pakialam kung mag-over speeding ako. Naiinis ako, hindi ko mapigilan.

XHINIA's POV

"Kaloka ka manang akala ko nilayasan mo na ako. Isang gabi kang nawala ni ha ni ho wala ka man lang pasabi. Pupunta na sana ako sa pulis para ereport ka."

Sermon ko sa kaniya, eh kasi naman ngayon lang umuwi hindi man lang niya sinabi na may pupuntahan pala siyang bonggang party hindi man lang ako sinama. Jusko day! Ano naman alam ng manang na'to sa mga ganoong party. Ni hindi ko nga siya maisama sa bar, sa party pa kaya ang kj kaya nito.

"Ang ingay mo naman, ayoko nga dun nabwesit ako kinidnap ako ng alien na iyon tapos hindi ko pa kilala mga nandun."

"May mga gwapo ba manang?"

"Sana pala ikaw nalang kinidnap ni Alien tutal pareho kayo."

Kita mo 'tong babaeng 'to. Pinaglihi yata sa sama ng loob walang araw na hindi nababadtrip kay Alien na sinasabi niya. Sino ba kasi ang Alien na iyon? Nasstress ang ganda ko sa manang na'to.

"Next time manang isama mo naman ako sa ganoong sosyalan baka bumenta 'tong ganda ko." Sabay pagmamayabang ko.

"Wala ng next time badtrip na nga ako gusto mo pa magka-next time ewan ko sa'yo." Sabi sabay walkout.