abC

Chapter Twenty

Clay's POV

Mabilis ang naging takbo ng oras sa amin ni Camilla, mag-iisang buwan narin kami sa susunod na linggo. Parang kailan lang nung una kong nasilayan ang kanyang magandang mukha.

Hanggang ngayon, hindi parin ako makapaniwalang akin siya. Napapailing naman ako kapag naaalala ko kung gaano siya ka-possessive sa 'kin, hindi ko alam kung anong nakita niya sa 'kin.

Napakamot naman ako sa batok, tama na nga Clay. Puro na lang si Camilla ang laman ng utak mo.

Nasa klase ako ngayon, pilit na iniintindi ang sinasabi ni Mrs. Ramos pero walang pumapasok sa utak ko. Puro ngiti at tawa lang ni Camilla ang nakikita ko.

In love.

I am.

Napangiti ako habang sinusulat ang "Mio".

Natigilan ako sa ginagawa ko, nung naramdaman kong nag-vibrate ang telepono ko.

Hindi ko pa man kinukuha sa bulsa ko, hula ko na si Camilla ang nagtext.

Tinignan ko ang phone ko, and I was wrong.

From: Althea Vito
Let's have dinner together. 😊

Dinner? Sa tagalog, hapunan.

                                                                       To: Althea Vito
                                  Hindi ako pwede, may trabaho ako.

From: Althea Vito
I know, after your work. 😉

Ayoko sanang sumama pero ano pa ba pwedeng idahilan na hindi siya masasaktan? Ayoko rin isipin niya na iniiwasan ko siya, hindi na nga ako sumasabay sa kanya paglunch. Isa pa, siya ang kaisa isa kong kaibigan dito sa school. Sabihin mo, papatayin ka ng girlfriend mo.

Hindi ko naman ata pwedeng sabihin na may girlfriend na ako, siguradong magtatanong yun kung sino. Kung hindi lang sana bawal, ipagsisigawan ko sa mundo na si Camilla Mionette Suarez ang girlfriend ko. Napapikit na lang ako, hirap ng sitwasyon namin. Laging tago, huminga ako ng malalim saka nireplyan si Althea.

                                                                       To: Althea Vito
                                                                                          Sige.

From: Althea Vito
Yey! See you later! 😘

Paano ko 'to sasabihin kay Camilla? Hindi pwedeng hindi ko sabihin, simula nung naging kami lagi na niya akong sinusundo sa trabaho.

Bahala na.

To: Mio ❤
Mio, wag mo na akong sunduin mamaya.

Itatago ko na sana ang phone ng muling nag-vibrate ito.

                                                                          From: Mio ❤
                                                                                        Why?

Hindi naman ata siya magagalit diba? Try mo.

Napansin kong napapagawi sa lugar ko ang tingin ni Mrs. Ramos, baka mahuli niya akong nagtetext.

To: Mio ❤
Text kita mamaya, may klase pa 'ko.

                                                                          From: Mio ❤
                                                                           Tell me now.