Ms. Officer on Duty

Chapter 19

Chapter 19: Call of Duty

Ilang linggo makalipas ang insidente nangyari sa academy ay balik nanaman kami sa regular class. Wala namang nabalitaang nasaktan at ilang sandali lang din ay may mga dumating na kapulisan upang mag-imbestiga.

Dahil nga sa naturang insidente isang linggong sinuspende ang klase. Pinauwi rin muna ang mga kapwa namin mag-aaral na tumutuloy sa dorm.

Imbes na tumunganga lang ako sa apartment ko napagpasiyahan ko na lang ang magduty sa headquarters. Nasa bukana pa lang ako ng pintuan napansin na ako ng mga kasamahan ko at sinalubong naman nila ako ng malakas nilang sigawan. May mga nakahanda pang pagkain na nagpakinang sa mga mata ko. Mahal na mahal talaga nila ako.

“Namiss ka namin Inspector,”saad ng isa sa mga kasamahan ko.

“Naku! Namiss niyo lang ang kagandahang ko.”prenteng umupo naman ako sa aking upuan.

“Saan nga pala si Awa?”

“Ibinalik ni Chief sa pagbabantay sa kalsada. Parusa niya sa kalokohan niya.”

“Tsk. Puro kalokohan kasi ang isang yun.”napapailing na lang ako at nagawi naman ang mga mata ko sa pagkaing nakahanda.

Hindi ko na pinatagal pa at nilantakan ko na ang mga pagkain na nakalapah sa aking mesa.

“Namiss ka namin Inspector”saad ng bagong dating na Inspector.

Nabulunan naman ako ng marinig ko ang mga salitang 'yon mula kay Travis. Nataranta naman niya akong inabutan ng mineral water. Bakit ba kasi nang gugulat itong si Inspector Leondio.

“Okay ka lang?”

“Hehehehehe oo naman ”nahihiyang saad ko at naiilang na napangiti.

Nanlaki naman ang mga mata ko nang lumapit siya at ginulo ang aking buhok. “Mabuti naman, pinag-alala mo nanaman ako.” ngumiti ito at tumalikod  na at naiwan na lang akong nakatulala. Aishhh! Pansin ko lang lagi na lang akong natutulala.

Bumalik lang ako sa akinh wisyo ng may babaeng umupo sa tapat ng aking mesa. Nakangisi ito na mahahalata mong nang-aasar.

“Anong ginagawa mo dito?”nakakunot ang noo ko itong tinitigan.

“Magpapasama ako sayo sa mall,”nakapout na saad nito. Napabuntong hininga na lang dahil siguradong hindi ko siya matatanggihan. Iniintay ko lang talaga na sabihin niya ang magic word. “Libre kita!” naexcite naman agad ako nang marinig ko na ang iniintay ko.

Nakangiti naman si Aliah at kinindatan lang ako “Oo naman sasama ako!”. Napalakas ata ang sigaw ko dahil napatingin sa akin ang mga kasamahan ko pati na rin si Inspector bigla naman akong nakaramdam ng hiya.

Kinawayan ko muna ang mga kasama ko bago ko hinila si Aliah palabas.

“Saan na ang susi?” magiliw na inilahad ni Aliah ang kanyang kamay sa harapan ko. Napailing na lang ako bilang sagot.

“Why? I want to drive.”

“Ayokong ikaw ang magdrive wala akong tiwala,”nakahalukipkip na saad ko.

“Hoy! ALEXIS, MAHIYA KA MAGALING AKONG MAGDRIVE HA!”nanlalaki pa ang butas ng ilong nito.

“Pero mas magaling ako,” proud na proud kong saad.

Napairap na ako, hindi ako titigilan nitong si Aliah hanggang hindi ko siya pinapayagan. Animo'y parang bata na sinuot niya ang helmet, mabuti na lang talaga at may dala akong extrang helmet.

Ilang minutong biyahe lang ay nakarating na kami sa mall. Sobrang nainis ako kay Aliah dahil muntikan niya ng magasgasan ang baby broom broom ko. Hindi ako mangingiwing itulak siya sa pagkakasakay sa motor ko kung magasgasan  niya ito.