Ms. Officer on Duty

Chapter 29

Chapter 29: New Classmate

Lumipas ang ilang araw at start na ulit ng klase. Hindi pa rin nakakapasok si Caleb dahil hindi pa siya pinapayagan ng kanyang doctor na palabasin ng hospital. Hindi ko rin nakikita sa campus ang mga kaibigan niya, siguro ito ang nagbabantay sa binata. Ilang araw na rin ang nakalipas ng magkausap kami ni Tyronne at mas naging malapit kami sa isa't-isa.

Wala pa rin kaming nakukuhang ebidensya sa pangyayaring pamamaril. Napakaplanado ng lahat at wala kaming makita kahit kakapirasong butas.

Nandito kami ngayon sa aming room at iniintay na dumating ang aming guro. Magkatabi kami ni Tyronne ngunit wala sa amin ang nagsasalita. Tahimik lang namin iniintay na dumating ang aming professor.

Nang bumukas ang pinto ng silid ay lahat kami napalingon sa kinaroroonan nito. Napakunot ang noo ko nang pumasok ang aming prof at may kasamang isang babae. Pamilyar ang mukha nito ngunit hindi ko maalala kung saan ko ito nakita.

Nagitla naman ako ng tumingin siya sa aking gawi at kitang-kita ko ang kanyang pag ngisi. Nang iiwas na niya ang tingin niya sa akin ay patuloy siya sa pag ngiti sa buong klase.

Iba ang pakiramdam ko sa babaeng ito, bakit kahit kalagitnaan na ng taon saka lamang siya nag transfer. Nakakapagdududa lang, tumingin ako sa gawi ni Aliah at nakita ko itong taimtim na nakatingin sa harap. Ibinaling ko naman ang tingin kay Tyronne, nakatulala lang siya sa harap at halos hindi na ata kumukurap ang mga mata.

“Hoy! Okay ka lang ba?” mahina kong saad dahil baka marinig kami ng aming guro.

Mas napakunot ang noo ko ng hindi man lang niya ako panaginip at hindi natinag sa pagtingin sa harapan. Napairap na lang ako at hindi ko na siya pinansin pa at pinilit ibaling ang atensyon sa harapan.

“Good morning class. We a new transferee students. Let's all welcome Ms. Salvacion. Now, introduce yourself,” halos lahat ng mga kalalakihan ay naexcite dahil sa kagandahan taglay nitong transferee student.

“I'm Demonnese Salvacion, nice to meet you all.” ngumiti ito at nagbow pa. Nang iaangat niya ang kanyang ulo ay muling nagtama ang aming mga mata. Hindi ko marawi pero parang nakita ko na talaga siya, hindi ko lang talaga naaalala kung saan at kailan.

Nagulat ako ng taasan niya ako ng kilay. Aish! May tinataglay pala itong kamalditahan sa katawan. Ang amo pa naman ng mukha nito, akala ko tuloy mabait.

Umiwas na lang ako ng tingin, ayokong patulan ang trip ng babaeng 'to! Bago pa lang naghahanap agad ng gulo.

“You may seat now, Ms. Salvacion!” dahan-dahan itong naglakad na akala mo ay isang modelo. Napailing na lang ako at nagbasa ng aking notes.

Nagbasa lang ako kahit wala naman akong naiintindihan. Abuh! Minsan lang 'to kaya nga lang wala pa rin akong magets sa mga lectures ko. Natinag naman ako sa pagbabasa ng may maramdaman akong presensiya sa aking harapan. Iniangat ko ang aking ulo at tumambad sa akin si demonya ay Demonnese pala. Tinaasan niya ako ng kilay at ito ako clueless kung bakit siya nasa harapan ko.

“Why?”

“Move to another seat!” pag-dedemand nito na nagpataas ng kilay ko.

“Search for another vacant seat, Ms. Salvacion,” pinagdiinan ko pa ang mga sinabi ko at baka magets niya na ayaw kong umalis.

“No! I want this seat!” medyo napalakas ang pagkakasabi niya kaya naagaw namin ang atensyon ng aming mga kaklase.

Eksena naman kasi nitong babaeng 'to! Nagsimula na tuloy mag bulong-bulungan ang mga kaklase namin kaya't naagaw na rin namin ang atensyon ni prof.

“Anong nangyayari dito?” lumapit ito as amin at nameywang pa sa aming harap. Aish! Sobrang nakakahiya talaga!

“Ma'am, I really want to seat here.” may pag-papaawa pa sa tono ng pananalita nito. Napairap na lang ako sa kawalan, mukhang ako ang lalabas na masama dito.