A Man of His Word

Chapter Sixteen

"YOU'RE MEETING THAT gay boy again?" Olivia hissed.

Napalingon sa paligid si Boris bago ito tinapunan ng matalim na tingin.

"Oo," lapag ni Boris sa menu book ng hotel resort sa gilid ng night table.

"At bukas na?" sunod ng tingin ni Olivia sa kanya.

Inokupa ni Boris ang upuan sa harap ng dresser mirror para buksan muli ang kanyang mga laptop. Gawain niya tuwing umaga ang panoorin ang na-record ng mga surveillance videos sa Russia. Positibo na nakasunod sa kanya sa Zambales si Poison, o isa sa mga tauhan nito. Kailangan nga lang niyang kumpirmahin kung may mga tauhan ba talaga ito o mag-isa lang na kumikilos. That's why he still needed to review the videos.

"Oo," sagot niya ulit dito.

Maingat na sumulyap ito sa pinto ng banyo. Nasa loob pa kasi niyon si Nikolai.

"Nagkita lang kayo kagabi," panlalaki nito ng mga mata sa kanya.

"Alam ko."

"O bakit magkikita na naman kayo bukas?"

"Off niya," kaswal na sagot ni Boris habang abala na ang mga kamay sa laptop.

Tumayo lang si Olivia sa tabi niya. Nakasuot na ito ng swimsuit na napapatungan ng asul na cardigan na may pink floral design.

"Ano?"

"Off niya," sulyap ni Boris sa babae bago binalik ang atensyon sa video na panonoorin.

Pigil ni Olivia na pagtaasan siya ng boses. "Boris, tandaan mo kung bakit tayo nandito."

"Alam ko kung bakit tayo nandito."

"Kung gan'un, bakit hindi ka naka-focus doon?" yuko nito sabay tukod ng kamay sa dresser table. Bumagsak tuloy ang makapal nitong buhok at natakpan ang monitor ng laptop.

"Naka-focus ako, Olivia," titig niya rito. "Aalis kami ni Albie bukas, mamamasyal. Mas makakabuti iyon para kay Nikolai."

"Paanong makakabuti?" protesta nito. "Lalayo ka sa amin!"

"Nandiyan ka, trabaho mo na siguraduhing ligtas si Nikolai," mariin niyang wika. "At ako ang habol ni Poison. Kung lalayo-layo ako kay Nikolai, mas magiging ligtas siya. Naiintindihan mo na ba?"

"Pero trabaho ko rin na siguraduhing ligtas ka at hindi ka nawawala sa paningin ko, Boris Molchalin," she hissed, drawing her face closer to him.

"Malaki na ako," anas niya at tinaboy ito palayo sa laptop. He wanted to get his job done already.

Pagkatapos kasi manood ng mga videos, sasamahan niya si Nikolai sa beach at maglilibang-libang sila. Kahit na mas makakabuti sa bata na lumayo-layo muna siya rito, ayaw niya namang makahalati si Nikolai na iyon ang ginagawa niya sa ngayon.

Ayaw niyang magtampo ito o makaramdam na parang lumalayo siya.

He would not bear it if he loses Nikolai's love for him.

"Ewan ko sa iyo, Boris Molchalin," bagsak ng babae paupo sa gilid ng kama nito at humalukipkip.

"Pakiusap," aniya habang iniisa-isa na ang mga video. "Higpitan mo ang pagbabantay sa anak ko."

Sumusukong napabuntong-hininga na lang si Olivia. Pagod na tumitig sa kanya.

"Oo naman. Ako pa."

.

.

.

***

.