A Man of His Word

Chapter Twenty-One

ABALA PA RIN SI BORIS sa panonood ng screenshot video mula sa kanyang laptop na nagse-save sa tablet ni Nikolai. Sa sobrang tagal na niyang bihasa sa computer at mga software, nakapag-improvise na si Boris ng paraan kung paano magagawan ng diskarte ang ganitong bagay nang hindi mahahalata ni Olivia.

Sa totoo lang, umaasa talaga siya na sana nga, walang mahalata si Olivia o mapansing mga icons sa laptop niya para makita na may ongoing na screenrecording doon na nagagananp.

Habang pinapanood ang isa sa mga video, napansin ni Boris na panay lang ang check ng babae sa email niya. Sinubukan din nitong magsalpak ng flashdrive nang matagpuan ang folder kung saan niya sine-save ang mga nare-record na videos ng surveillance camera na nilagay ni Boris sa apartment nila ni Nikolai sa Russia. Pero dahil sinadya niya na hindi kumpletuhin ang installation ng usb port ang laptop, hindi nagtagumpay si Olivia na makonekta ang flashdrive nito.

Ang tanong, isip niya habang concentrate na concentrate sa pinapanood na video, para saan gagamitin ni Olivia ang mga videos na nakunan ng CCTV sa apartment namin. At bakit tsine-check rin niya ang emails ko?

May posibilidad ba na siya si Poison? O siya ang tauhan ni Poison?

Nagsalubong ang mga kilay niya.

Imposible. Taga-GRU siya. Rekomendado siya nila Sloven. Personal na kilala ni Sloven si Olivia.

Pero paano kung siya nga si Poison?

Ano naman ang magiging motibo ni Olivia para takutin kami ng ganito?

Napa-angat siya ng tingin nang marinig ang pagtawag sa kanya ni Albie. Masayang kumaway ito sa kanya para lapitan ang mga ito. He just pointed the tiger cage with his chin. Gusto lang niyang ipahiwatig rito na doon nila ituon ang pansin at huwag sa kanya.

"Wait, ha?" wika ni Albie kay Nikolai na nakatayo lang harapan ng kulungan ng tigre na sinnisilip ng mga ito.

He internally groaned as Albie approached him.

"Hoy, ano ba," usig nito sa kanya, nakangiti. Mukhang hindi nawawalan ng ngiti sa mga labi ang binatang ito. Kung isasama niya ito sa Russia, malamang mapadala si Albie sa mental hospital ng wala sa oras dahil mapagkakamalan ng mga Babushka na nababaliw na.

Teka, at paano namang masasama niya ito sa Russia—

"Why are you so busy with your tablet?" parang may panenermon sa tono nito. "Don't you want father and son bonding with Nikolai?"

Pinigilan niya ang magpakawala ng malalim na pagbuntong-hininga. Pangit tingnan ang pagiging over-reactive sa publiko. Ini-off lang niya saglit ang tablet.

"Albie," balik niya ng tingin dito, "why don't you accompany Nikolai there, hmm?"

Naningkit ang mga mata nito. "Don't tell me you brought me here to be your Nikolai's yaya while you are busy with your gadget!"

"Yaya?"

"Yes! It means maid!" pamewang nito.

Tumaas ang sulok ng kanyang labi. Baka makahalata pa si Albie kung bakit mas gusto niyang nakatutok siya sa tablet kaya sinamahan na niya ito pabalik kay Nikolai na nakatanaw sa kanila.

"Here's daddeh!!!" masiglang wika ni Albie kay Nikolai na hindi rin makangiti dahil alam naman nilang mag-ama na walang kamuwang-muwang sa totoong scenario si Albie.