NAPAGTANTO NA NI BORIS KUNG ANO ANG NANGYAYARI. Hindi pa man niya alam ang buong kwento pero ang mahalaga, kilala na niya ngayon kung sino ang tunay na kalaban.
Matiim ang titig niya kay Sloven. Palapit ng palapit ang malalaking mga hakbang sa lalaki na sinasabayan sa paglakad si Nikolai. Panay ang sulyap nito sa bata at kay Albie.
Paano mo ito nagawa, Sloven? Paano?
Inalala niya ang nakitang larawan ni Olivia sa cellphone ni Roger. Nakaharap ang babae sa salamin ng banyo habang nakatapis ng tuwalya. Dahil tinago agad iyon ni Roger, hindi niya agad napansin na may sinulat ang babae sa tila hamog sa salamin. Pero nung nasa bus sila ni Roger papunta ng Pride Parade, nahuli niyang tumitingin na naman ito sa larawan ng dalaga. Tila doon humuhugot ng lakas ng loob.
Panakaw ang pagsilip niya roon hanggang sa mapansin ang maliit na detalyeng iyon.
Markov. Iyon ang nakasulat sa salamin gamit ng Cyrillic alphabet.
Maraming katanungan ngayon ang gumugulo sa kanyang isip. Bakit ito ginagawa ni Sloven sa kanya? Paano nito nagawa na bilugin ang ulo niya para magpasikot-sikot sa set-up na ito?
Pumitik ang kaba sa kanyang dibdib nang mapalingon si Sloven sa gawi niya.
He had to admit, that man has the instinct of an animal. Naalerto tuloy ito. Tinulak nito si Nikolai kaya napayakap ang bata sa mga binti ng nagulat na si Albie.
Hindi na siya nagulat sa kinilos nito. Malamang, napansin na ng matalas nitong paningin ang tinatago niyang baril. Kumaripas siya ng takbo para habulin ito. Napapasigaw o napapadaing ang bawat taong mababangga niya.
"Papa!" narinig niyang tawag ni Nikolai.
He turned to Roger. "Look after Albie and my child!"
Lumingon saglit si Roger sa mga ito. Nag-aalangan ang tinging binalik sa kanya.
"We're going after the man who killed Olivia. I can't leave you alone with him!" determinado nitong sagot.
"Just tell them to go home. I'll trap Poison in the basement of that mall," tanaw ni Boris sa mataas na gusaling nabanggit.
"That's a highly surveillance place."
"Exactly!" he growled. "Now go!"
Dadalhin ko roon si Sloven para hindi niya ako makanti. Para mapilitan siyang magpaliwanag kung ano itong ginagawa niya!
Huminto sa pagtakbo si Roger, nakatanaw sa kanya at nagdadalawang-isip kung susundin ang utos niya bago ito pumihit para tumakbo pabalik kina Albie.
.
.
NATATAKOT NA niyakap ni Albie ang bata.
Si Boris iyon. Si Boris at si Roger.
Bakit nila hinabol 'yung Sloven?
Kinalas ni Nikolai ang mga braso niya sa leeg nito at hinila siya sa kamay.
"Papa, did not see us! Let's follow!" he yanked harder at him.
Nanatili siyang naestatwa sa kinatatayuan. Nagtatanong na rin si Georgia sa kanya kung ano ang nangyayari dahil hindi nakaligtas sa mga kasamahan niya ang pagtakbo bigla ni Sloven at ang tumatakbong sila Boris para humabol dito.
YOU ARE READING
A Man of His Word
General Fiction[ Missions Series #3 ] [ Wattpad Version Complete Chapters ] ••• Rated SPG - R18+ Boris Molchalin had always been a man of his word, but what happens when his words turned against each other? Which vow would he keep?
