"If tomorrow comes and I forget about this, and I forget about you, will you still love me?"
Yesterday. Love. Nothing else matters to Lee Gabriel than Odyssey Lee. If love was a manifestation, iyon ay ang pag-ibig ni Lee. At unti-unti rin yong naram...
Oops! This image does not follow our content guidelines. To continue publishing, please remove it or upload a different image.
May 27, 2019
Nagulat si Lee nang ibinagsak ni Derick ang isang folder sa table sa cubicle niya. Mabuti na lang at hindi na-sanggi ang kape niya.
"Ano po ito?"
"That's your performance rating."
Natahimik si Lee. She knew it was that time of the year for their performance evaluation, at alam niyang dalawa ang mage-evaluate sa kaniya. Si Derick na chief-of-staff, at si Cynthia mismo na talagang boss niya.
Kadalasan naman, mabait sa kanya si Derick, kaya hindi niya alam ngayon kung bakit parang intense ito. Nawala tuloy ang isip niya sa ginagawa niyang pagtatanggal ng notification sa Tinder. Kanina pa kasi ito tunog ng tunog kapag may nakaka-match siya kaya gusto niyang tanggalin pero hindi niya mahanap kung paano.
"Ano 'yan? Nagti-Tinder ka?"
Parang napahiya si Lee at itinago ang telepono.
"A-ah... Wala po. 'Yung friend ko kasi ginawan ako ng Tinder."
"Jusko. Okay lang 'yan. Wala namang nakakahiya sa pagti-Tinder. Pero huwag mo na lang ipaparinig kay Cynthia 'yung notifcations mo kasi alam mo naman 'yun."
Napayuko na lang si Lee.
"Anyway. Did you know that Cynthia can choose to let you go? Pwede niyang babaan ang rating niya sa'yo sa kahit ano dito. And even I can't save you..."
Ngumiti lang si Lee. She knew it better than everyone else here. Kung papaalisin siya ni Cynthia katulad ng sinasabi nito kapag hindi siya nakakuha ng meeting kay Julius Javier, kaya nitong gawin. She can use this chance to safely fire her without alerting Labor.
Pero anong magagawa niya? She is already doing her best to connect with her schoolmate, pero wala talaga. Isa lang naman kasi siyang hamak na secretary. Eh 'yung mga bosses nga nila at iba pang executives, hindi makakuha ng schedule dito, siya pa kaya?
Naisip niya na lang na pinagbubuntunan lang talaga siya ng stress ni Cynthia dahil wala talagang makapag-commit na meeting from the Javier's side.
"Salamat Derick ah... Kapag natanggal ako, kapag hindi na ako na-renew, sana magkaibigan pa rin tayo."
"Baliw." Kinuha ulit ni Derick ang folder at saka tinitigan siya ng masama. "Sinasabi ko 'to sa'yo para mamotivate ka na gawin pa rin 'yung task mo kay Mr. Javier. Hindi para magpaalamanan tayo."
"Kung sakali lang naman..."
"Tse! May developer's meeting daw sa La Renta ngayon. I'm sure Julius is coming. Kulitin mo na ulit 'yung secretary niya! Go!"
Dahil sa tip, binantayan na naman ulit ni Lee ang schedule ni Julius. Dahil sa pangungulit ng ilang linggo, medyo nakuha niya na rin naman ang loob ni Arlene, ang secretary ni Julius.
