The Legendary Master's Wife MM Translation(အပိုင်း ၁ - အပိုင်း ၆၃)

Chapter - 37 မျက်နှာချင်းဆိုင် (မ်က္ႏွာခ်င္းဆိုင္)

Unicode version

နိုင်ငံတနိုင်ငံလုံးအပြင် ဘုရင်ရာထူးပါပေးပါ့မည်ဆိုသည်လောက်နီးနီး သဘောတူညီပြီိးမှသာ စာအုပ်က နောက်ဆုံးတော့ ယူရှောင်မိုလက်ထဲ ရောက်ရှိလာတော့သည်.. (T/N - ဟိုဟာပေးမည် ဒီဟာပေးမည်ဆိုပြီး ကတိအကြီးကြီးတွေ ပေးပြီးမှသာ သူ့လက်ထဲရောက်လာခြင်းကို ဆိုလိုသည်) စိတ်လှုပ်ရှားမှုအပြည့်ဖြင့် ယူရှောင်မို စာအုပ်ကို လှန်ကြည့်လိုက်လေသည်.. တချက်ကြည့်ပြီးသော် သူ့မျက်နှာကြီး ပတ်ကြားအက်ကာ မည်းလာတော့သည်..

ပထမစာမျက်နှာမှာတင် ပဲပင်ပေါက်လက်ရေးများဖြင့် ရှုပ်ယှက်ခပ်နေတော့သည်.. ဒီလိုအံ့အားသင့်ဖွယ်လက်ရေးကိုကြည့်ရင်း ဒေါသတွေ ထိန်းမနိုင်သိမ်းမရဖြစ်ကာ လင်းရှောင်ကို အော်ဟစ်ပစ်ချင်လာသည်..

ဒါ ဒါ ဒါ ဘယ်လိုဟာသမျိုးလဲ?
ယူရှောင်မိုစိတ်ထဲမှာ ဒေါသဖြင့် ကြုံးအော်နေတော့သည်..
သူဘာဖြစ်နေတာလဲ?
သူပြောသလိုပဲ.. ဒီလိုလက်ရေးမျိုးနဲ့ စာအုပ်က လုံရှန်းတပြည်လုံးမှာ သူ့တစ်ယောက်ဆီမှာပဲ ရှိနိုင်မည်..

အူရွှင်မြူးနေသည့်လင်းရှောင်က ယူရှောင်မို၏စူပုပ်မျက်နှာကိုမြင်တော့ ကြင်နာစွာမေးလိုက်သည်..
"ညီလေး ဘာဖြစ်လို့လဲ?"

ယူရှောင်မို ခေါင်းမော့ကာ ကိုယ့်ကိုကိုယ်ချုပ်တည်းရင်း  ကြိုးစားကာ ပြောလိုက်ရသည်..
"အကိုကြီးလင်း ဒါတွေ....  ကျွန်တော်နားမလည်ဘူး"

လင်းရှောင် သူ့မျက်နှာအမူအရာနှင့် လက်ထဲကလက်ရေးစာမူကို တလှည့်စီကြည့်ရင်း အဖြေရှာတွေ့သွားပြီး စာအုပ်ကို ပြန်ဆွဲယူကာ ပြောလိုက်သည်..
"ငါ စာမရေးတာကြာခဲ့ပြီ.. ပြီးတော့ ဒီစာလုံးတွေကလည်း မြင်နေကြမှမဟုတ်တာ.. မင်းနေရာမှာပါ ဝင်စဉ်းစားစေချင်တာလား? မင်းနားမလည်ဘူးဆိုလဲ မယူနဲ့ပေါ့.. ငါ မင်းကို ပါးစပ်နဲ့ ဘာသာပြန်ပေးမယ်"

ယူရှောင်မို အမှားလုပ်မိသလို ခံစားသွားရသည်.. အကယ်၍ လင်းရှောင် သူ့ကို ပါးစပ်နဲ့ပဲ ဘာသာပြန်ပေးပါက သူတို့ ခဏလောက်တော့ နေ့ရော ညပါ အတူတူရှိနေရမည် မဟုတ်ပါလား.. သို့သော် တကယ်တမ်းဘာသာပြန်ပေးတော့ တမနက်တည်းနဲ့ ယူရှောင်မို စိတ်ကျေနပ်စရာတွေ့သွားသည်..