Meet My Professor ✓

Chapter 19.1

Chapter 19.1 (Special Chapter)



《 Short Chapter Ahead 》



Nakasimangot kong tinignan ang cellphone ko. Ano na bang nangyari kay Orlando? Ilang araw nang hindi nagpaparamdam. Hindi naman sa natatakot akong baka may iba na siya o ano man, may tiwala naman ako doon sa tao. Hindi lang talaga ko mapakali kasi ni hindi man lang ako tinetext no'ng tao. Ano kayang nangyari do'n? Ayos lang naman siguro siya?

"Ah!" Naiatras ko ang ulo ko nang may matigas na bagay ang tumama sa noo ko.

"Ano na girl? Tulala ka na d'yan?" Tinago nito ang tumbler na ginamit nito sa noo ko. "Halika na, uwian na."

Bahagya akong ngumuso rito bago ko kinuha 'yong bag ko. Mabigat sa loob na tumayo ako sa pagkakaupo ko at sinundan sa paglalakad si Anne. Halos magkakasabay silang naglalakad nila Jade at Shei.

Pumunta muna kaming banyo bago tuluyang bumaba palabas ng building namin. Habang inaantay sila Shei at Anne, kami ni Jade ay nakatayo rito sa may tapat ng salamin.

Hindi ko napigilang mapabuntong hininga nang maalala ko si Orlando.

"Lalim naman no'n? May problema ba?"

"Hindi nagpaparamdam jowa ko," walang energy na sagot ko rito. Nakatulala lang akong nakatingin sa repleksyon ko sa salamin.

"Baka busy?" Nagkibit balikat lang ako sa sinabi ko nito.

Hindi rin kami nagtagal sa may banyo at lumabas na rin agad kami. Nasa may lobby na kami ng ground floor nang mapansin naming may mga estudyanteng namumuo sa may labas ng entrance at exit ng Athena building.

"May nag-aaway ba? Bakit ang daming tao do'n?" Nagtatakang tanong ni Shei.

"Sa may emergency exit na lang tayo dumaan," pag-aaya ko sa mga kasama ko. Wala ako sa mood makipagsiksik sa mga tao ngayon. Gusto ko na lang umuwi.

Hindi naman sila tumutol sa sinabi ko at nagsimula na nga kaming maglakad papuntang kabilang exit.

Halos katabi lang ng emergency exit ng Athena 'yong 2nd gate ng school kaya kung tutuusin, mas madali kaming makakalabas ng university. Mas marami lang talagang mga kainan at kung ano ano pa sa may main gate, dahil na rin sa main highway ang katapat nito.

"Hala, wait!" Halos matumba ako sa pagkakahatak ni Jade sa backpack ko.

Nakakunot noo ko 'tong tinignan, "Ano ba?"

Hindi ko naiwasang magtaas ng boses. Bukod kasi nagulat ako sa ginawa nito, inaalala ko pa rin talaga si Orlando.

Lecheng lalaki 'to. Ayaw kasing magparamdam.

"Sorry, sorry, may nakalimutan kasi ko. Ano...balik tayo sa main exit? Doon na lang tayo dumaan?" Nagbuntong hininga ko at tsaka ko inayos ang sarili ko.

Hindi ako umimik at sinundan lang si Jade at Shei na nauunang maglakad sa'min. Nasa may likuran naman nila kami ni Anne.

Narinig kong tinanong ni Shei king ano ba 'yong nakalimutan ni Jade pero hindi ko na narinig ang sagot nito. Natingin na lang ako kay Anne nang bahagya ako nitong sikuhin.

"Bakit ang moody mo? May problema?"

Hindi ko naiwasang mapasimangot. "Hindi kasi nagpaparamdam si Orlando. Kung kailan naman pa-100 days na kami."

Napahinto sa paglalakad sila Jade sa harap namin kaya bigla rin kaming napatigil ni Anne sa paglalakad. Hinarap ako ni Jade bago nagtanong sa'kin.


"100 days niyo na?" Gulat na na tanong nito.

"Oo, bukas."

"Wait," itinaas nito sa pagitan namin 'yong isang kamay niya. "Bukas pa?"

Nagtaka naman ako sa tono nitong para bang nagtataka, "Oo, bukas pa. Bakit?"



Saglit itong hindi nakasagot bago mabilis na umiling, "Halika na?"



Dumiretso na kami papuntang main exit. Habang papalapit, kita na namin ang dami ng tao sa labas. Ano ba kasi mayroon? Dire diretso lang kami hanggang sa makalabas kami.