Meet My Professor ✓

[SEASON 2]

Meet My Professor: SEASON 2

History is bound to repeat itself. But this time, it's much more painful.

Naikuyom ko ang dalawang kamay ko. Napapikit ako nang mariin at kahit nahihirapan ay napalunok na lang ako. Pakiramdam ko may nakabara sa lalamunan ko, hindi, pakiramdam ko may bumabara sa may puso ko. Para bang 'yong mga ugat na nakakonekta sa puso ko, lahat barado.

Naramdaman ko ang pagtapik ni Anne sa kanang hita ko. "Lhia," pabulong na banggit nito sa pangalan ko.

Hindi ko ito magawang tignan. Ni ayaw ko ngang ibukas ang mga mata ko. Iyon nga lang baliwala rin naman. Dahil kahit nakapikit naririnig ko pa rin ang boses niya.

Lalong nanikip ang dibdib ko. Pakiramdam ko paulit ulit ulit na hinihiwa ang puso ko. Ang sakit, sobrang kirot ang nararamdaman ko sa may puso ko.

What will you do...no, what would you feel when all of a sudden your ex-boyfriend showed up in front of you. Not because of wanting to have you back, nor to try to explain why he ended things, but because he will be your Instructor.

"My name is Jae Shin Lee. You can just call me Sir Lan. I'll be your Instructor for your Foreign Language class."

Just how much does this subject want to kill me? To shatter my heart into pieces more. To double the heartache I'm already experiencing.

Seriously, I just want things to end.

Three weeks ago...

Assessment Day - Incoming 4th Year

"Originally, major subjects na lang kayo during 3rd and 4th years n'yo, but since may newly approve subject ang President na nagre-require sa lahat ng Education students na mag-take ng Foreign Language, magkakaroon kayo ng isang minor subject this coming 1st semester ng 4th year n'yo. Basically, ang Foreign Language subject ay nilagay sa mga 2nd years, pero unfair naman daw kung 'yong mga incoming 3rd and 4th years ay gagraduate ng hindi ito nakukuha. Kaya ayan, dagdag subject kayo," mahaba at tuloy tuloy na sabi ng isa naming Professor. Siya ang nag-aassess sa'min ngayon.

Nire-record niya ang grades namin last semester sa isang folder kung saan nakalagay ang record of grades namin since 1st year. Way na rin kasi 'to para malaman kung sino ang mga bumagsak sa isang subject na hindi makaka-take ng mga subjects na may pre-requisite nito. After naman ma-record ng grades namin at ma-clear kami, pipila na kami sa may Assessment Office para ipasa ang cleared slip namin. Doon namin makukuha ang Assessment Form namin kasama ang class schedule. Nakalagay sa Assessment Form 'yong mga subjects namin at total na babayaran sa cashier. Hindi kami makakapila sa cashier kung walang Assessment Form. Ang professor na nag-a-assist sa'min ngayon ang tentative na magiging adviser namin sa 1st sem.

Bigla akong napahawak sa may bulsa ng bag ko nang maramdaman ko ang pag-vibrate ng cellphone ko. Buti na lang sa may lap ko nakalagay ang bag ko at hindi sa may arm chair.

"Anyway, malalaman niyo na lang kung ano'ng Foreign Language ang aaralin niyo sa pasukan. Now, let me start the recording. First row, line up," pagkasabi no'n nagsitayuan lahat ng nasa first row. Mabuti na lang second row lang kami kaya makakasunon na agad kami.

Dahil busy na sa pag-re-record si Ma'am, at nagse-cellphone na rin naman 'yong iba naming kaklase, pasimple ko na ring nilabas ang phone ko at binasa ang message ko.

From: 이재신

Let's meet later. Text me.