A Voyage Towards the Horizon

📷 14: All in One Table

AMALIA

Buong week ay palagi na kaming nagkikita ni Mila. We became more than friends na parang magka-ugnay na ang mga bituka namin dahil hindi na kami mapaghiwalay.

But this time, it's different. Kasi kasama namin ngayon si Thelma sa loob ng isang lomihan dito sa Poblacion.

Nakasalubong lang namin siya kanina. Galing daw siya sa isang parlor shop para sa bago niyang mani and then boom! Nakita niya kaming dalawa ni Mila and then we instantly became bffs na para bang matagal na kaming magkakasama simula pagkabata.

Matagal na din pa lang kilala ng dalawa ang isa't isa dahil sa mga events dito sa La Maria----of course, they are the socialites here after all kaya magkikita-kita talaga sila kahit saang handaan. But despite that fact, hindi pa sila nagkakausap noon dahil hindi nila alam kung paano i-approach ang isa't isa.

Masyadong mahinhin at mahiyain si Mila habang bubbly at daldalera naman ang personality ni Thelma. But I guess kahit wala ako rito the two of them will still be friends dahil sa pagtanda nilang dalawa ay malapit ang loob nila sa isa't isa.

"Kaya pala ilang araw ka nang hindi nagpapakita samin Mila." nagulat kaming tatlo nang may nagsalita sa aming likuran kaya napalingon kami sa mga bagong dating. "May mga bagong kaibigan ka na pala." umikot si Marco sa kabila ng mesa para umupo sa harap namin---eksaktong sa harap ko pala.

"Nagtatampo na kami ha." tumawa si Riguel at tumabi sa kaibigang lalaki.

Inilapag ni Mila ang hawak na kutsara at pinunasan muna ang bibig gamit ang sariling panyo bago magsalita. "Bakit naman kayo magtatampo?" sumilay ang ngiti sa labi nito, nakatingin kay Marco.

Napa-irap naman ako. Haaay. Inlove ang lola ko.

"Mukha kasing ipinagpalit mo na kami." ngumuso si Riguel at pinaglaruan ang bulaklak na nakadisplay sa gitna ng mesa.

Nanlaki naman ang mga mata ni Mila. "Huh? Hindi naman a." tanggi nito.

Tumawa bigla ng malakas si Riguel kaya napatingin ang ibang costumer sa table namin. Mukhang madami nga ang benta ng lomihan ngayon. Punu-an ang lahat ng mga mesa at sa'min lang siguro ang medyo maluwag pa.

"Nagbibiro lang ako Mila." humilig sa mesa si Riguel para kurutin ang pisngi ni Mila. Napa-aray naman ang katabi ko bago nito tinabig ng mahina ang kamay ni Riguel papalayo. Ano ba 'tong lola ko? Ang manhid-manhid. "Amalia." ako naman ang binalingan ni Riguel. "I'm happy to see you again." ngumiti siya sakin. "Hindi ka pumunta dito noong nakaraan. Sabi ni Marco baka may ginawa kang importante kaya hindi ka nakapunta." sumulyap siya saglit sa lalaking katabi na nakasandal lang sa upuan at nakatingin sa amin----sa akin. Problema ng lalaking 'to?

"Pasensya na." yumuko ako ng konti. 'Di ko maiwasang ma-guilty. Baka naghintay sila ng ilang oras dito.

"It's fine." ngumiti si Riguel sa akin. "Ms. Santocildes, I didn't know you're friends with these lovely ladies." tumingin si Riguel kay Thelma.

"Ms. Santocildes." bati rin ni Marco na mukhang ngayon lang napansin ang isa ko pang katabi. Napapagitnaan ako ngayon ng dalawang babae.

"Thelma na lang. Ano ba kayo? Ms. Santocildes-santocildes kayo diyan." tumawa si Thelma and as usual, di na naman mapigilan ang bunganga nito.

Tumawa na lang din ang dalawang lalaki at nag-order na ng pagkain.

"Galing kasi ako doon sa bagong bukas na parlor. Tinry ko kung maganda ba ang services nila and I can say na pwede na silang makipagsabayan sa mga parlors sa city." tumango-tango pa si Thelma, leading the conversation. Hindi talaga magiging boring ang table niyo kapag nandiyan siya. "Tapos nakasalubong ko silang dalawa. Friends na kasi kami nitong si Amalia dahil nagkakilala kami no'ng fiesta kaya sumama na lang ako sa kanila. Okay lang naman right?" lumingon siya sa akin.