အပြာရောင် ဆေးချယ်ထားတဲ့ နှစ်ထပ်တိုက်အဆောက်အဆုံးကြီးရှေ့.... ကားနှစ်စီးထိုးရပ်လိုက်သည်နှင့်
ခြံထဲကကလေးများ.... လှုပ်လှုပ်ရှားရှား ဖြစ်ကုန်ကြသည် ။ကားပေါ်ကဆင်းလာသည့် လူငယ်အုပ်စုကို... မြင်သည့် ကလေးငယ်တို့ဧ။မျက်နှာတွင်လဲ.... အပြုံးပန်းဝေဆာစွာနဲ့ အသံပေါင်းစုံဆူညံပြီး ခုန်ပေါက်နေကြလေသည် ။
" ကလေးတွေ တန်းစီမယ်... တန်းစီမယ် တိုးတိုး "
နှုတ်ခမ်းပေါ် လက်ညိုးလေးတင်ရင်း.... ကလေးတွေကို ငြိမ်အောင်ထိန်းနေသူက မိဘမဲ့ဂေဟာရဲ့... ကျောင်းအုပ် အန်တီဆွီး ဖြစ်သည် ။
" မင်္ဂလာပါ တီတီ "
" မင်္ဂလာပါကွယ် သားတို့သမီးတို့ လာ "
ဖတ်လဲတကင်းဖြစ်နေကြတဲ့ ကလေးတွေကို ချီသူကချီ ၊ လက်ဆွဲသူက ဆွဲ ၊ ပါလာသည့် အထုပ်အပိုးများကို သယ်သူကသယ်နှင့်.... အပြာရောင်ကောင်းကင်ကြီးအောက်...... ပရဟိတ တက္ကသိုလ်လူငယ်လေးတွေရဲ့ လှုပ်ရှားပုံများဖြင့် လှပနေလေသည် ။
" ကိုကို မမတွေစကား... နားထောင်မယ်နော် "
" ဟုတ်ကဲ့ "
ရောင်းသူ ဝယ်သူအသံတူစွာနှင့် ဖြေကြားပြီးနောက်
လူစုခွဲရင်း.... ကိုယ့်အလုပ်ကို လုပ်ကြရသည် ။ကလေး၅၀ကျော်ကို အုပ်စုဖွဲ့ပြီးတစ်ဖွဲ့မှာ ထိန်းသူ ၃ယောက်စီဖြင့် တစ်နေ့လုံး.... ကလေးတွေဘေးနေပေးရင်း ပျော်စရာဖန်တီးပေးကြတာဖြစ်သည် ။
" ဟိုဘက်ထောင့်မှာ ထိုင်နေတဲ့ကလေးကိုတွေ့လား "
" မျက်နှာတည်တည်နဲ့ ကောင်လေးလား မမ "
မုန့်တွေကို ကျွတ်ကျွတ်အိတ်ထဲ ခွဲထည့်နေရင်း.... အခုမှ အသစ်ဝင်လာတဲ့ ဂျူ နီယာတွေကို.... မှတ်ထားသင့်တာလေးတွေ ပြောပြနေကြသည် ။
" ဟုတ်တယ် ဒီကိုလာတိုင်း အဲ့ကောင်လေးက အဲ့လိုဘဲ.... တစ်ခြားကလေးတွေ ဆော့သလောက် သူကတော့ အဲ့လိုလေးဘဲ "
" စီနီယာတို့အုပ်စုကို စိုက်ကြည့်နေတယ်ရော် "
" အဲ့ဒါလဲ လာတိုင်းအဲ့လိုဘဲ.... အုပ်စုလိုက်ကို ကြည့်တာမဟုတ်ဘဲ တစ်ယောက်ထဲကို ကွက်ပြီးကြည့်နေတာ ။ ဘယ်သူ့ဆီကိုလဲဆိုတာ ပြန်ခါနီးရင်သိမယ် ကြည့်နေ "
![](https://img.wattpad.com/cover/232413273-288-k471616.jpg)
YOU ARE READING
My Deepest Love {YIZHAN}
Fanfictionလူတိုင်းမှာ ရှင်သန်ဖို့ အကြောင်းပြချက်ကိုယ်စီရှိတယ် ကျွန်တော့ ရှင်သန်ရာ (အကြောင်းပြချက်) ကတော့ ခင်ဗျား လေ ရှောင်းကျန့် လူတိုင္းမွာ ႐ွင္သန္ဖို႔ အေၾကာင္းျပခ်က္ကိုယ္စီ႐ွိတယ္ ကြၽန္ေတာ့ ႐ွင္သန္ရာ (အေၾကာင္းျပခ်က္) ကေတာ့ ခင္ဗ်ား ေလ ေ႐ွာင္းက်န္႔ YIZHAN Fu...