ညကတစ်ညလုံး တံခါးကိုမှီပြီး အိပ်ပျော်သွားတာကြောင့် တစ်ကိုယ်လုံး ကိုင်ရိုက်ထားသလိုပင်။ နိုးနိုးချင်း အခန်းထဲပြန်ဝင်ချင်ပေမယ့် ကောစိတ်ညစ်မှာဆိုး၍ သူဘဲစိတ်လျှော့ပြီး တစ်ဖက်ခန်းထဲဝင် ကိုယ်လက်သန့်စင်လိုက်ရတယ် ။
ပြီးတာနဲ့ အောက်ထပ်ကို ဆင်းလာပြီး မီးဖိုခန်းထဲဝင်လာလိုက်တယ် ။ စားပွဲပေါ်မှာ မနက်စာအဆင်သင့်ရှိနေပေမယ့် ကောစားဖို့တစ်ခုခုလုပ်ပေးချင်တာမို့ အေပရွန်ကို ဝတ်လိုက်ပြီး ကြက်သားစွတ်ပြုတ်ချက်တော့တယ် ။
အခြေအနေကိုသိနေတာမို့ ဦးလေးတို့လဲ ဘာမှဝင်မပြောဘဲ ဘေးနားမှာသာ ရပ်နေပေးကြတယ် ။
မနေ့က ပြန်လာကတည်းက ဘာမျှမစားရသေးတာမို့ လူက မူးနောက်နောက်ဖြစ်ချင်နေတယ် ။ ကောက သူ့ထက်တောင်ပိုအားနည်းနေမှာမို့ အစာလေးဖြစ်ဖြစ်ဝင်အောင်ကျွေးရမယ် ။
တစ်နာရီနီးပါး ကုန်သွားမှ ရသွားတဲ့ကြက်သားစွပ်ပြုတ်ကို ပန်းကန်ထဲထည့်ပြီး ရိပေါ်အိမ်ပေါ်ထပ်တက်လာခဲ့လိုက်တယ် ။
အခန်းတံခါးဖွင့်ဖို့လုပ်တော့ အပြင်ကနေ ခတ်ထားတဲ့သော့ကိုတွေ့တော့ ရိပေါ် ပြုံးလိုက်မိတယ် ။ နှုတ်ခမ်းလေးတစ်ဖက်တွန့်သွားရုံမျှသာ ။ သူ ဒီလိုအလုပ်တွေပါ လုပ်နေရပြီးလား ။ ကောနဲ့ပတ်သတ်ရင် ခုထိ စဉ်းစားဆင်ခြင်တက်တဲ့ညဏ်ကင်းမဲ့နေတုန်းပင် ။
အခန်းထဲဝင်တော့ တံခါးနားမှာ စောင်တွေခေါင်းအုံးတွေ ပြန်ကျဲနေလေသည် ။ ကုတင်ပေါ်က ရှိသမျှပစ္စည်းတွေကို အကုန်ပြစ်ချထားပုံရတယ် ။
ကောကတော့ ပြတင်းပေါက်ဘက်ကို မျက်နှာမူပြီး ကုတင်ပေါ်မှာထိုင်နေတယ် ။ အခန်းတံခါးဖွင့်သံကြောင့် တစ်ချက်သာ လှည့်ကြည့်သည် ။ ကုတင်ဘေး ခုံပုလေးမှာ စွတ်ပြုတ်ပန်းကန်တင်လိုက်ပြီး ရိပေါ်ကတော့ ကောဘေးနားမှာဝင်ထိုင်လိုက်တယ် ။
သူ ဘေးနားရှိနေတာကိုသိပေမယ့် ဘာစကားမျှမပြောဘဲ ငြိမ်နေတဲ့ ကောကြောင့် ရိပေါ်ပဲ စွတ်ပြုတ်ပန်းကန်ကိုလက်နဲ့ကိုင်ပြီး...
" ကော မနက်စာစားရအောင် ။ မနေ့တည်းက ဘာမျှမစားရသေးတာ "
ဇွန်းနဲ့တစ်ဇွန်းခပ်ပြီး အေးသွားအောင် မှုတ်ပေးလိုက်တယ် ။
ESTÁS LEYENDO
My Deepest Love {YIZHAN}
Fanficလူတိုင်းမှာ ရှင်သန်ဖို့ အကြောင်းပြချက်ကိုယ်စီရှိတယ် ကျွန်တော့ ရှင်သန်ရာ (အကြောင်းပြချက်) ကတော့ ခင်ဗျား လေ ရှောင်းကျန့် လူတိုင္းမွာ ႐ွင္သန္ဖို႔ အေၾကာင္းျပခ်က္ကိုယ္စီ႐ွိတယ္ ကြၽန္ေတာ့ ႐ွင္သန္ရာ (အေၾကာင္းျပခ်က္) ကေတာ့ ခင္ဗ်ား ေလ ေ႐ွာင္းက်န္႔ YIZHAN Fu...