'ခွပ်'
အားနဲ့ထိုးလိုက်တဲ့ လက်သီးတစ်ချက်ကြောင့် ရိပေါ် ကြမ်းပြင်ပေါ်ကို ပစ်လဲကြတယ် ။
နှုတ်ခမ်းထောင့်က သွေးတွေကိုလဲ သုတ်ဖယ်လိုက်ဖို့ အသိစိတ်ရှိမနေ ။
သတိမေ့ပြီး အိပ်ရာပေါ်လဲနေတဲ့ ကောကိုသာ မမှိတ်မသုန် ကြည့်နေမိတယ် ။
အဆင်မှပြေရဲ့လား ။
သွေးမရှိသလို ဖြူ လျေျာ့နေတဲ့ မျက်နှာနုနုလေးကို ကြည့်ရင်း ရင်ဘက်က ဆစ်ကနဲနာကျင်ပြန်တယ် ။
" ဝမ်ရိပေါ် မင်း အသိစိတ်မှရှိရဲ့လား....ဟမ်! မင်း ဦးနှောက်မှ ရှိသေးရဲ့လား "
ကောမေ့လဲကတည်းက ခေါ်လိုက်ရတဲ့ အစ်ကိုမင်ဟွေ့က အိမ်ကိုကမန်းကတန်းရောက်ချလာတယ် ။
ရောက်တာနဲ့ ကောကိုတောင် မကြည့်နိုင်သေးဘဲ ကျွန်တော့ကိုဆွဲထိုးပြီး ဒေါသတွေစုပုံချတော့တယ် ။
" ဝမ်ရိပေါ် မင်းတကယ်ကို ဦးနှောက်မရှိတော့တာ ။ ဘာလို့ ပြောပြရတာလဲ ဒီတိုင်းသိလာရင်တောင် ခွင့်မလွှတ်နိုင်မယ့်ကိစ္စမျိုးကို မင်း ဘယ်လိုအသိစိတ်မျိုးနဲ့ ပြောပြနိုင်ရတာလဲ "
" တောင်းပန်ပါတယ် အစ်ကိုမင်ဟွေ့ "
ဒီနေ့ တစ်နေ့လုံး ဒီစကားကို ပြောတာဘယ်နှစ်ခါမြှောက်မှန်းမသိတော့ပေ ။
ကျွန်တော့ဆီကစကားကိုကြားတော့ အစ်ကိုမင်ဟွေ့က စုတ်တစ်ချက်သပ်ပြီး ကုတင်ဘေးလျှောက်သွားတယ် ။
ကောကိုစစ်ဆေးပေးပြီး အတော်ကြာတိတ်သွားပြီးတဲ့နောက် အစ်ကိုမင်ဟွေ့ကဘဲ စကားစလာခဲ့တယ် ။
" မင်းလဲ နာကျင်ရမှာပဲ.... ဒီလိုကိစ္စကို မင်းကိုယ်တိုင်ဖွင့်ပြောရတာ " စကားအဆုံးမှာ သက်ပြင်းတစ်ချက်ချပြန်တယ် ။
"......"
" ရှောင်းကျန့်က ငယ်ငယ်တည်းက စိတ်မှတ်ကြီးပြီး လိမ်တာကိုမုန်းတဲ့လူမျိုး ။ ဒါပေမယ့် အမှားကိုသိပြီး ပြန်တောင်းပန်ရင် ဘယ်လောက်အပြစ်ကြီးကြီး ခွင့်လွှတ်ပေးပြန်တဲ့အထိ စိတ်ကောင်းတဲ့လူလဲဟုတ်တယ် ။ဒါပေမယ့် အခုတော့ ငါတို့ဒီလောက်နဲ့ ရပ်လိုက်ကြရအောင် ရိပေါ် ။ ရှောင်းကျန့်ကို သူ့အိမ်ပြန်ပို့ရအောင် "
YOU ARE READING
My Deepest Love {YIZHAN}
Fanfictionလူတိုင်းမှာ ရှင်သန်ဖို့ အကြောင်းပြချက်ကိုယ်စီရှိတယ် ကျွန်တော့ ရှင်သန်ရာ (အကြောင်းပြချက်) ကတော့ ခင်ဗျား လေ ရှောင်းကျန့် လူတိုင္းမွာ ႐ွင္သန္ဖို႔ အေၾကာင္းျပခ်က္ကိုယ္စီ႐ွိတယ္ ကြၽန္ေတာ့ ႐ွင္သန္ရာ (အေၾကာင္းျပခ်က္) ကေတာ့ ခင္ဗ်ား ေလ ေ႐ွာင္းက်န္႔ YIZHAN Fu...
