မင်းတစ်သက်စာ
ကြည်လင်ပျော်ရွှင်ပါစေ
ကိုယ်ကရပါတယ်
ကျန်ရစ်ငေးကြည့်ခြင်းမှာ
အရမ်းကိုအသားကျနေလို့ ။
စစ်ငြိမ်း
-----------------
"ကောကော တော်တော့လို့ မလုပ်နဲ့တော့......ကော ကျွန်တော့ကို ကြည့်အုံးလေ ရှောင်းကျန့် !'
လေသံမာလိုက် ပျော့သွားလိုက် အခေါ်အဝေါ်တွေပါ ပြောင်းသွားသည့်တိုင် သူ့ရှေ့က လူကတော့ အသိမကပ်လာ ။
အခန်းထဲ တွေ့သမျှ ပစ္စည်းတိုင်းကို ကိုင်ပေါက်ရိုက်ခွဲပြီး စိတ်ကြိုက်သောင်းကျန်းနေသူကို အခန်းပြင်ကနေသာ လှမ်းအော်နေရသည် ။
အတင်းဖမ်းချုပ်ပြီး ရပ်ခိုင်းလို့ရပေမယ့် ကော နာကျင်သွားမှာကို သူ တစ်စိုးတစ်စိမှ မလိုလား ။
လက်ဖျားလေးခြစ်ရာထင်လို့ နာကျင်သွားရင်တောင် ပူပန်နေတက်တဲ့ ကျွန်တော့်ကို ကောကတော့ ဒီလိုခြိမ်းခြောက်တက်လာသည် ။
မှန်တင်ခုံက ပုလင်းတွေကို ကြမ်းပြင်ပေါ် အကြမ်းပတမ်း ပြစ်ချရင်း ကျကွဲနေတဲ့ ဖန်ပုလင်းစတွေပေါ် ခြေထောက်ဖြင့် ထိုးနင်းလိုက်သူ........
ကျွန်တော့အသား နာတာထက် ကော ပိုနာကျင်ရင် ကျွန်တော် သေ သွားနိုင်တယ်ဆိုတဲ့ ကျွန်တော့ရဲ့ အားနည်းချက်ကို သိရဲ့နဲ့ဗျာ ။
" ကော ! ရပ်နေ ကျွန်တော်လာခဲ့မယ် အောက်ကိုငုံ့မကြည့်နဲ့ သွေးတွေနဲ့လေ ငြိမ်ငြိမ်လေးနေနော် "
အားပျော့နေသည့် ခန္ဓာကိုယ်က လေတစ်ချက်အတိုက်မှာတောင် လဲပြို ကျသွားနိုင်သည် ။
" ဘာ ဘာဖြစ်တာလဲ ရိပေါ် "
ကော သောင်းကျန်းနေတည်းက ဦးလေးက ဖုန်းဆက်ခေါ်လိုက်သည်ထင်... ဂျူ တီကုတ်တောင်မလဲနိုင်ဘဲ အပြေးရောက်လာတဲ့ အစ်ကိုမင်ဟွေ့ကြောင့် ရိပေါ် နည်းနည်းတော့ စိတ်သက်သာရာရသွားသည် ။ ကော က ဒီအချိန်မှာ ကျွန်တော်ကလွဲရင် ကျန်တဲ့သူတွေစကားတော့နားထောင်မှာပါ ။
" ကျွန်တော်လဲ အလုပ်ကခုမှရောက်တာ.... မနေ့ကထိ ငြိမ်နေပြီးမှ ဒီနေ့ပြန်သောင်းကျန်းတာ "
YOU ARE READING
My Deepest Love {YIZHAN}
Fanfictionလူတိုင်းမှာ ရှင်သန်ဖို့ အကြောင်းပြချက်ကိုယ်စီရှိတယ် ကျွန်တော့ ရှင်သန်ရာ (အကြောင်းပြချက်) ကတော့ ခင်ဗျား လေ ရှောင်းကျန့် လူတိုင္းမွာ ႐ွင္သန္ဖို႔ အေၾကာင္းျပခ်က္ကိုယ္စီ႐ွိတယ္ ကြၽန္ေတာ့ ႐ွင္သန္ရာ (အေၾကာင္းျပခ်က္) ကေတာ့ ခင္ဗ်ား ေလ ေ႐ွာင္းက်န္႔ YIZHAN Fu...
