မင်းကို ငါလွှတ်လိုက်တယ်
ငါလွတ်မြောက်ပါစေကွယ် ။
စစ်ငြိမ်း
--------------------
အပြုံးတွေက မှန်ဘောင်လေးထဲမှာတောင် တောက်ပလွန်းနေတယ် ။ အရိုးပြာအိုးဘေးနားမှာ သူ့နဲ့အတူရှိခဲ့တဲ့ပုံ တစ်ပုံမှမထားခဲ့ခြင်းအတွက်တော့ သူစိတ်သက်သာရာရသွားသည် ။
ရာသီတွေ အချိန်တွေဟာလဲ
ပြောင်းလဲနေအုံးမှာပဲ ။
ဝမ်းနည်းစရာတွေပြီးရင်
ပျော်ရွှင်စရာတွေ ကြုံရအုံးမှာပဲ ။
ကံဆိုးမှုတွေပြီးရင်
ကံကောင်းမှုတွေရောက်လာအုံးမှာပဲ ။
အခုတော့ ဒီဘဝအတွက်တော့ ငြိမ်းချမ်းသွားတဲ့သူအတွက် သူဝမ်းမနည်းနေတော့ပါ ။
" အခုမှ လာတွေ့နိုင်လို့ တောင်းပန်ပါတယ် ။ မင်းက သဘောထားပြည့်ဝတဲ့ကောင်မလေးပါ ။ အစ်ကို့ကို စိတ်မဆိုးဘူးမလား ။ ဒါပေမယ့် ဒီလောက်ကြာသွားမှ လာတွေ့နိုင်လို့ တောင်းပန်ပါတယ် ရယ်အယ် "
ဒီကောင်မလေး သူ့ကိုမျှော်နေခဲ့မှာပဲ ။
ဒီလောက်ဆို သူ စိတ်ချလို့ရပါပြီး ။ မကြာမကြာ လာတွေ့ပါ့မယ် ရယ်အယ် ။ မင်းက အစ်ကို့အတွက် ညီမလေးတစ်ယောက်ပါ ။
ရယ်အယ်ဆီက ပြန်လာပြီးနောက် အဒေါ့်ဆီကို သွားဖို့အတွက် မင်ဟွေ့ကပဲ လိုက်ပို့ပေးခဲ့တယ် ။
ဒီနေ့ ရာသီဥတုသာယာနေတယ် ။ မရောက်ဖြစ်တာ ၂လကျော်သွားပေမယ့် ဒီနေရာတွေကိုတော့ မှတ်မိနေဆဲ ။ ကားမှန်တံခါးကို ဖွင့်ပြီး အပြင်က လေကို တစ်ဝကြီးရှူ ရှိက်မိရင်း တစ်စုံတစ်ယောက်ကို သတိရမိပြန်သည် ။ နေ့ရက်တွေတိုင်းကို ထိုလူနဲ့စ....ထိုလူနဲ့သာဆုံးပြီး သူမရှိရင် မဖြစ်တော့တဲ့အထိ ဘဝထဲမှာ နေရာယူသွားခဲ့တဲ့ လူ။
" သူအဆင်ပြေရဲ့လား "
မပွင့်တပွင့်မေးမြန်းလာမှုကြောင့် ကားမောင်းနေတဲ့ မင်ဟွေ့ လှည့်ကြည့်လာသည် ။ အသည်းကွဲနေသူတစ်ယောက်လို ရှောင်းကျန့် မင်ဟွေ့အိမ်မှာ သောင်တင်နေတာ ၂ရက်ပြည့်ခဲ့ပြီးဖြစ်တယ် ။
YOU ARE READING
My Deepest Love {YIZHAN}
Fanfictionလူတိုင်းမှာ ရှင်သန်ဖို့ အကြောင်းပြချက်ကိုယ်စီရှိတယ် ကျွန်တော့ ရှင်သန်ရာ (အကြောင်းပြချက်) ကတော့ ခင်ဗျား လေ ရှောင်းကျန့် လူတိုင္းမွာ ႐ွင္သန္ဖို႔ အေၾကာင္းျပခ်က္ကိုယ္စီ႐ွိတယ္ ကြၽန္ေတာ့ ႐ွင္သန္ရာ (အေၾကာင္းျပခ်က္) ကေတာ့ ခင္ဗ်ား ေလ ေ႐ွာင္းက်န္႔ YIZHAN Fu...
