Ignored by Mr. Famous (ASHLEY 5)☑

Chapter 5

Chapter 5

Madaling araw na akong nakatulog kaya lutang akong naglalakad ngayon papuntang classroom ko, sa di ko maipaliwanag na dahilan ay hindi maalis sa isip ko ang sitwasyon ni Nic at ni Em. May kung anong namamagitan sa kanilang dalawa, hindi ko lang maiexplain. Ang sabi ni Ai iba ang mahal ni Em pero bakit ganoon nalang siya ka-concern kay Nic? Possible kayang hindi naman totoong iba ang mahal ni Em? Hindi kaya alibay lang iyon para hindi sila paghinalaan ng pamilya nila?

Napabuntong hininga ako at inayos ang pagkasabit ng bag ko sa aking balikat.

"Hindi ka ba nakatulog ng maayos kagabi?" Biglang tanong ni Quid.

Tama nga pala, kasama ko pala siya, medyo nasanay nadin ako sa paghahatid-sundo niya sa akin, pero inaamin kong minsay naiilang ako. "May iniisip lang kaya madaling araw na akong nakatulog."

Saglit niya akong tinitigan at bigla nalang nag-iwas ng tingin. "Sino naman?"

Wala naman sigurong masama kung sasabihin ko sa kaniya ang totoo, baka nga makatulong pa sya eh. Huminga ako ng malalim at tiningnan siya. "Si Nic."

Nagtagis ang bagang niya, at hindi na nagsalita. Ng makarating kami sa tapat ng classroom ko ay bigla nalang siyang nagsalita, at hindi ko inaasahan ang mga sinabi niya.

"Kapag may kailangan ka, Tawagan mo ang kahit na sinong nasa contacts wag lang si Nic, marami siyang ginagawa kaya baka di niya masagot ang tawag mo." Salubong na kilay niyang sabi at umalis na.

Kunot noong sinundan ko siya ng tingin, mukhang wala sa mood ang isang iyon ah, pero bakit? Gusto ko pa sanang habulin siya at magtanong patungkol kila Nic at Em pero tumunog na ang bell, kaya pumasok nalang ako sa loob. Nakatingin sa akin ang halos lahat ng kababaihan kong kaklase, hindi ko man sila tingnan ng diretso sa mata pero alam kong hindi maganda ang paraan ng pagtingin nila sa akin. 

Wala pang isang minuto ng maka-upo ako ay tinabihan na ako ni Nathaniel, nakabusangot ito, mukhang napipilitan, pabagsak niyang nilagay ang bag niya sa sahig at nag nap na. Napataas ako ng dalawang kilay dahil sa inakto niya, umagang-umaga tulog nanaman?

Umiling nalang ako at naglabas na ng libro para magbasa, medyo hindi ako komportable dahil sanay na akong walang katabi mula ng bagong pasukan, ano kaya ang nakain ng Nathaniel na ito at bigla nalang akong tinabiban? Inutusan ba siya ng mama niya?

"Good morning, class." Bati ni ma'am delos Reyes.

Tumayo kami lahat at bumati din, pero ang katabi koy nanatiling naka-nap, napansin kong napatingin na ang karamihan sa pwesto namin kaya hindi ko napigilang mamula at mailang dahil sa paraan ng pagtitig nila sa akin at sa katabi ko. Pasimple kong sinipa ang paa ni Nathaniel at mukhang tumalab naman dahil nag-angat siya ng tingin at inilibot ang paningin sa kabuuan ng classroom gamit ang mapupungay na mga mata, huminto ang mga mata niya sa akin.

"Bat mo ako sinipa?" Namamaos niyang sabi.

Lumunok ako, medyo may kalakasan kasi ang boses niya kaya tiyak na narinig ito ng nakararami. "Nandito na si Ma'am. "

Napunta kay ma'am ang paningin niya, ilang saglit pay bumuntong hininga siya at tumayo na. "Good morning ma'am. " bati niya.

Mas lumapad pa ang ngiti ni Ma'am at tiningnan pa ako saglit bago kami sinabihang umupo na. Hindi na ulit natulog si Nathaniel, namangha pa nga ako sa kaniya dahil nung tinanong siya patungkol sa klase namin kahapon ay walang kahirap-hirap niya itong sinagot, alam kong hindi lang ako ang namangha kundi karamihan sa amin, paanoy lagi siyang tulog pero may nasagot siya sa itinanong ng guro namin. Akala ko tinabihan lang ako ni Nathaniel kanina dahil sa mama niya ang magtuturo sa amin, pero tinabihan niya ako sa susunod na klase ko, magkapareho kasi kami ng schedule. Siguro nga napipilitan lang siya pero hindi naman masama, sa tingin ko pareho lang kaming walang kaibigan kaya bakit di nalang kami ang maging magkaibigan, diba?