Unicode##
ညနေဘက်နေအေးသွားတဲ့အချိန်တွင် ကိုကိုယွဲ့လျန်ကရွှေရောင်စက္ကူစဖြင့်ထုပ်ပိုးထားသောအထုတ်တစ်ထုပ်ကို အားဝေကနေတစ်ဆင့်ပို့ပေးလာသည်။ ဖွင့်ကြည့်လိုက်သောအခါလှပသောရေပြာရောင်ဝတ်စုံလေးကိုတွေ့ရသည်။ အင်္ကျီရဲ့လက်ဖျားထိပ်နှစ်ထက်တွင်လှပသောငွေချည်များထိုးထားကာ အောက်အနားဖျားများတွင်မူရွှေချည်ဖြင့်ထိုးထားသောပဒုမ္မာကြာပန်းများကြောင့် ဝတ်စုံမှာတန်ဖိုးကြီးသလိုရိုးရှင်းလှပလွန်းပေသည်။ ဒါကြောင့်ဒီဝတ်စုံကိုအဖေဆီကနေကိုကိုတောင်းလာဘဲဖြစ်ရမည်။
"အားဝေ..ဒီသခင်ကိုပြင်ဆင်ပေးပါဦး"
အရင်ကနဲ့လုံးဝမတူဘဲနူးညံ့သာယာစွာပြောဆိုလာသောဒုတိယသခင်ငယ်လေးကြောင့်အားဝေရဲ့စိတ်နှလုံးထဲစိမ့်ဝင်ကာအေးချမ်းသွားပေသည်။
"အားဝေ..အားဝေ..ဒီသခင်ကိုပြင်ဆင်မှုမလုပ်ပေးချင်တာလား"
"မဟုတ်ရပါဘူးဒုတိယသခင်လေး..ကျွန်တော်သခင်လေးဆံပင်ကိုဘယ်လိုထုံးဖွဲ့ပေးရမလဲစဉ်းစားနေတာပါ"
"သြော်..အဲဒါဆိုမစဉ်းစားနဲ့တော့ ဆံသားကိုအလယ်ကနေယူပြီး ဟိုရွှေရောင်ဖီးနှစ်ငှက်ဆံထိုးဘဲထိုးပေး..အောက်နားကဆံသားကိုသေချာဖြီးသင်ပေးနော်"
"ဟုတ်ကဲ့သခင်လေး ကျွန်တော်အဲလိုဘဲပြင်ပေးပါမယ်"
"ပြီးတော့ဝတ်စုံဝတ်ဖို့ကူညီပေးပါဦး ကြိုးတွကဘယ်နားထားရမလဲမသိဘူး ဟီးး"
"သခင်လေးရယ်ကျွန်တော်ကိုခိုင်းပါ ကျွန်တော်လုပ်ပေးမှာပေါ့" လို့ပြောတော့ ငါလည်းရမလားလို့လုပ်ကြည့်တာပါတဲ့လေ ဘယ်လောက်အပြစ်ကင်းလိုက်သလဲ။
"အားဝေဒီသခင်အတွက်ကြေးမုံယူလာပေးပါလား"
"ဟုတ်ကဲ့ပါသခင်လေးခဏလေးပါ"
အားဝေကြေးမုံကိုယူလာတဲ့အခါယုလျန်လည်းမျက်နှာကိုဖုံးအုပ်ထားဆဲဖြစ်တဲ့ပုဝါပါးအဖြူကိုချွတ်လိုက်သည်။ မိမိပုဝါပါးကိုချွတ်လိုက်တာကိုမြင်လိုက်တဲ့အားဝေကတော့ ကြေးမုံကိုကိုင်ရင်းမိမိကိုကြောင်ငေးကြည့်နေသည်။
YOU ARE READING
Special System (or) Special Chance
Actionနေတခေတ်ဆိုတဲ့ကောင်လေးတစ်ယောက်ဟာ ရိုးရှင်းတဲ့ဘဝကိုဖန်တီးရင်း နောက်ကွယ်ကသစ္စာဖောက်မှုကြောင့် သေဆုံးခဲ့ရမှုအပေါ်မကျေနပ်၍ သေဆုံးခဲ့ရခြင်းအပေါ်လောကစီရင်သူတွေက အထူးအခွင့်အရေးပေးတဲ့အနေနဲ့ special systemတစ်ခုနဲ့ချိတ်ဆက်ပေးရာမှ ဘာတွေဆက်ဖြစ်လာမလဲ ဒီspecial sy...