#سلالة العنفوان...ذنب عينيك

الذنب الاول

بسم بالله بهِ ابدء و بهِ انتهي...

مساء السعاده وراحة البال احبتي..

ان شاء الله ابدء معكم روايتي الجديده مع بطلتي المعذبه حد النخاع قربى نبحر معها بلحظات ضالمه عاشقه رومانسيه ومجزعه

انتظروني في فصولها القادمة ولا تنسوا ابهاج قلبي بمشاركاتك الجميلة واراءكم عزيزاتي....

الذنب الاول

رواية...ذنب عينيكِ...سلالة العنفوان
بقلمي...نور سمو العراق

💔💔💔💔💔💔💔💔💔💔💔

من حقك أن تحزن ومن حقك أن تبكي لكن لا تنكسر أبدا..
ربما أسقطت المحن الاقنعة وبانت حقائق الناس ومعادنهم..
فالناس معادن كالذهب والفضة.... ولربما اردت ان تقف بك الحياة لتبكي على أمر...
لاثقف عاجزا اعمل ولاتقتل ارادتك وعزيمتك بالقعود...

.................................

ببساطة الحياة ونقاء القلوب لكل شخص بينه عنده ذكريات وهل ذكريات تكون خالده اكو بيها موجعه واكو بيها قاسيه ومستحيل ننساها واكو بيها حلوه تبهج ارواحنا...

بالتسعين...

جنت بعمر ال 12 سنه جنت طفله الئ ابعد الحدود بحيث الاصغر مني افهم مني احب العب اركض اتشاقه عندي لعابه اخيط الها ملابس واكون الها ام حنونه ما احب اكبر ابد ولحد الان بقوقعة الطفولة ...

صاحت عليه امي ...قربى

تركت لعابتي ورديت عليها...هااا يمه

اجت دخلت للغرفة وجرت نفس كالت..عوفي لعابتج وروحي صعدي الفراش فوك بلكي يوكع عليه البرد مدام دنيا العصر فد شويه يجي ابوج واخوتج تعبانين حتئ يصعدون ينامون

رديت عليه بقهر...اهووو عود ليش ما خلفتي غيري ترئ تعبت كله قربى كله قربى نعال على قربى

عاطت بيه بغضب...امشي لج لسانج طولان كله قربى ولج انتي شمسويه اصلا مكابله هل لعابه وكاعده لو مداريتني بكد اللعابه جان دخلتي الجنه...

وكفت متعصبه وخليت وفتت من يمها واني ادردم جرتني من ياخة ثوبي طرت بيدها كالت بغضب..شبيج تدردمين ولج شدكولين ؟

بلعت ريكي بخوف...اءء لااا لااا يمه والله هسه اروح بسرعه اصعد الفراش...حتئ يطيح عليه لفراش..اءء قصدي يطيح عليه البرد

صعدت فوك ورشيت السطح بالمي وخليته ينشف مديت راسي علئ سطح بيت عمي من الستاره شفت بثينه كاعده ترش بالسطح بثينة بنت عمي...